பூங்கொத்து போல அடர்த்தியாக முளைத்த பச்சை மொட்டுகளுடன் கண்ணைக் கவரும் காய்கறி தான் புரோக்கோலி. ஆயிரக்கணக்கான ஆண்டுகளுக்கு முன்பு, சுமார் 2,000 ஆண்டுகளுக்கு முன்னர் மத்திய தரைக்கடல் பகுதியிலேயே இது முதன்முதலில் வளர்க்கப்பட்டதாக வரலாறு கூறுகிறது. இத்தாலிய மொழியின் “புரோக்கோலோ” என்ற சொல்லில் இருந்து இதன் பெயர் உருவானது.

தோற்றத்தில் காலிஃபிளவரை நினைவூட்டினாலும், பசுமை நிற பூமொட்டுகளால் தனித்த அடையாளத்தை பெற்றுள்ளது.குளிர்ச்சியான தட்பவெப்பநிலையையே விரும்பும் இந்தக் காய்கறி, மலைப்பகுதிகள் மற்றும் குளிர் காலங்களில் சிறப்பாக விளையும்.

கோடைக் கால வெப்பத்தை சகிக்காது என்பதும் இதன் இயல்பு. ஆனால், உடலுக்கு தரும் நன்மைகள் எண்ணிலடங்காதவை என்பதால், இது “சூப்பர் காய்கறி” எனப் போற்றப்படுகிறது.

புரோக்கோலியை அன்றாட உணவில் சேர்த்தால், நோய் எதிர்ப்பு சக்தி பல மடங்கு உயரும். எலும்புகளை உறுதியாக்கி, தசை வளர்ச்சிக்கு வலுசேர்க்கும். உடலில் தேங்கும் தீய நச்சுகளை நீக்கி, புற்றுநோய் அபாயத்தையும் குறைக்க உதவுகிறது.

ஊட்டச்சத்து பொக்கிஷமாக விளங்கும் இதில் வைட்டமின் C, K, B9, புரதம், கால்சியம், இரும்புச்சத்து, பொட்டாசியம், நார்ச்சத்து போன்ற பல சக்திவாய்ந்த சத்துகள் நிரம்பியுள்ளன.

குறிப்பாக நார்ச்சத்து மற்றும் பொட்டாசியம் ரத்த அழுத்தத்தை சீராக வைத்துக்கொண்டு, இதய ஆரோக்கியத்தை பாதுகாக்க உதவுகின்றன.