யூபிஎஸ்சி (UPSC) தேர்வுக்குத் தயாராகும் தமிழக இளைஞர்களுக்குத் தமிழக அரசு ஒரு சூப்பர் குட் நியூஸ் அறிவித்துள்ளது. தமிழக அரசின் அகில இந்திய குடிமைப்பணித் தேர்வு பயிற்சி மையம் (AICSCC) மற்றும் TNSkills இணைந்து, 2027-ஆம் ஆண்டுக்கான யூபிஎஸ்சி தேர்வுக்கு இலவசப் பயிற்சி வழங்கப்படவுள்ளது.

இதற்காக நடத்தப்பட்ட மதிப்பீட்டுத் தேர்வின் அடிப்படையில் தகுதி பெற்ற 525 பேரின் பட்டியல் http://civilservicecoaching.com என்ற அதிகாரப்பூர்வ இணையதளத்தில் வெளியிடப்பட்டுள்ளது. தேர்வு செய்யப்பட்டுள்ளவர்களின் விவரப் பகிர்வு பின்வருமாறு:

சென்னை (முழு நேரம்): 225 பேர் , சென்னை (பகுதி நேரம்): 100 பேர், மதுரை (முழு நேரம்): 100 பேர், கோவை (முழு நேரம்): 100 பேர்

அடுத்த கட்ட முக்கிய தேதிகள்:

தேர்வானவர்கள் வரும் அக்டோபர் 14 முதல் 20-ஆம் தேதிக்குள் மேற்கண்ட இணையதளத்தில் தங்கள் விண்ணப்பத்தை உறுதி செய்ய வேண்டும்.

இறுதிக் பட்டியல் அக்டோபர் 22-ஆம் தேதி வெளியாகிறது.

அக்டோபர் 25, 26 மற்றும் 27 ஆகிய தேதிகளில் சென்னை ராஜா அண்ணாமலைபுரத்தில் உள்ள "காஞ்சி" வளாகத்தில் சான்றிதழ் சரிபார்ப்பு நடைபெறும்.

இவர்களுக்கான வகுப்புகள் அக்டோபர் 28-ஆம் தேதி முதல் அதிகாரப்பூர்வமாகத் தொடங்குகின்றன.

ஏற்கனவே இப்பயிற்சியைப் பெற்றவர்கள் மீண்டும் விண்ணப்பிக்க முடியாது என்றும் தெரிவிக்கப்பட்டுள்ளது. மேலும் விவரங்களுக்கு 044-24621475 என்ற எண்ணிலேயோ அல்லது 93457 66957 என்ற வாட்ஸ்அப் எண் மூலமாகவோ தொடர்பு கொள்ளலாம்.