ரஜினியை வைத்து கமல் ஹாசன் தயாரிக்கவிருந்த “தலைவர் 173” திரைப்படம் அறிவிக்கப்பட்ட நாள் முதலிலிருந்து ரசிகர்கள் மத்தியில் பெரும் ஆர்வத்தை ஏற்படுத்தியது. சுந்தர்.சி இயக்குவார் என்ற அறிவிப்பு வந்ததும், சூப்பர் ஸ்டார் – உலகநாயகன் கூட்டணி ரசிகர்களை சந்தோஷத்தில் மூழ்கடித்தது. ஆனால் அந்த மகிழ்ச்சி நீடிக்கவில்லை. சில நாட்களிலேயே சுந்தர்.சி திடீரென படத்திலிருந்து விலகுவதாக அறிவித்தார்.

“தவிர்க்க முடியாத காரணங்களால் விலகுகிறேன்… ரஜினி – கமலுக்கு நன்றி,” என்று அவர் வெளியிட்ட அறிக்கை பல்வேறு யூகங்களுக்கு வழிவகுத்தது. சுந்தர் சொன்ன கதை கமலுக்கு பிடிக்கவில்லை என்பதாலோ, அல்லது ‘First Copy’ ஒப்பந்தம் குறித்து ஏற்பட்ட கருத்து வேறுபாட்டாலோ இந்த பிரிவு நடந்ததாக இரண்டு தரப்பிலும் பேச்சுகள் கிளம்பின.

இது மட்டும் போதாதென்ன, சிலர் குஷ்பூவை unnecessary-ஆக இழுத்து வந்து — ரஜினியுடன் ஐட்டம் டான்ஸ் சூழ்நிலை வந்ததாம் — அதற்காக சுந்தர் விலகினார் என பேசத் தொடங்கினர். அதற்கு குஷ்பூ நேரடியாக பதிலடி கொடுத்து, “உங்கள் வீட்டிலிருந்தே யாரையும் ஐட்டம் டான்ஸ் ஆட வைக்கலாம்!” என்று தெளிவாகக் கூறி வதந்திகளுக்கு முற்றுப்புள்ளி வைத்தார்.

இதற்கிடையே, கோவாவில் நடைபெற்ற திரைப்பட விழாவிலிருந்து திரும்பிய கமல் ஹாசன், சென்னை விமான நிலையத்தில் குஷ்பூ மற்றும் சுஹாசினியை சந்தித்தார். இருவரும் பரஸ்பரம் நலம் விசாரித்த புகைப்படங்கள், வீடியோக்கள் சமூக வலைதளங்களில் வேகமாக பரவி, “தலைவர் 173”-ஐச்சுற்றி புதிய ஆர்வத்தை உருவாக்கின.

இந்நாள்களில் ரசிகர்கள் மத்தியில் ஓடும் முக்கிய கேள்வி — இயக்குநர் யார்?

பல பெயர்கள் பேசப்பட்டுக் கொண்டிருக்கின்ற நிலையில், லேட்டஸ்ட்டாக ‘Parking’ பட இயக்குநர் ராம்குமார் பாலகிருஷ்ணன் பெயரும் சூடாக அடிபடத் தொடங்கியுள்ளது. தீவிர யதார்த்தமான கதைகளுக்குப் பெயர் பெற்ற ராம்குமார், ரஜினியை இயக்குவார் என்ற கேள்வி ரசிகர்களிடையே கூடுதல் எதிர்பார்ப்பை ஏற்படுத்தியுள்ளது.

இயக்குநர் தேர்வு குறித்து உத்தியோகபூர்வ அறிவிப்பு எப்போது வரும் என்பது தெரியவில்லை — ஆனால் “தலைவர் 173” திரைப்படம் தற்போது தமிழ் சினிமாவின் மிக அதிகமாக பேசப்படும் திட்டமாக மாறியுள்ளது என்பதில் ஐயமில்லை.