சென்னை: நடிகர் விஜய்யின் மகனும், இயக்குநராக அறிமுகமாகவுள்ள ஜேசன் சஞ்சய், தனது சிறுவயதில் நடந்த ஒரு சுவாரஸ்ய சம்பவத்தை பகிர்ந்த வீடியோ தற்போது சமூக வலைதளங்களில் வைரலாகி வருகிறது. குறிப்பாக, குழந்தைகளுடன் இயல்பாக பழகும் அவரது அணுகுமுறை ரசிகர்களின் கவனத்தை ஈர்த்துள்ளது.

ஜேசன் சஞ்சய் இயக்கத்தில் நடிகர் சந்தீப் கிஷன் நடித்துள்ள "சிக்மா" திரைப்படம் இந்த மாத இறுதியில் வெளியாகும் என எதிர்பார்க்கப்படும் நிலையில், அவர் தொடர்பான பழைய வீடியோக்களும் சமூக வலைதளங்களில் அதிகம் பகிரப்பட்டு வருகின்றன.

அப்படிப்பட்ட ஒரு வீடியோவில், நடிகர் ஜெமினி மணியின் மகனுடன் உரையாடிய ஜேசன் சஞ்சய், தனது பள்ளி நாட்களில் நடந்த ஒரு நிகழ்வை நகைச்சுவையாக நினைவுகூர்கிறார்.

Enamo jason vaaya thorandha thalapathy gaali nu sonanga...

Inga thangam jason vijay anna mela evlo paasam vachirukanu teriyudhu ❤️ pic.twitter.com/oTOLgLJ08K

— 𝓓𝓸𝓵𝓵𝔂 🤍 (@dollybiblio) June 30, 2026

அப்போது அவர், "சிறு வயதில் உங்க அப்பா என்னை கார்ல கடத்தப் பார்த்தாரு. பொதுவாக எங்க அப்பா பாதுகாப்பு பணியாளர்களை அனுப்பி பள்ளியில் இருந்து என்னை அழைத்து வருவார்கள். ஆனால் உங்க அப்பா வந்து என்னை தூக்கிக்கொண்டு போக முயற்சி பண்ணினார்" என்று சிரித்தபடி கூறுகிறார்.

இதற்கு பதிலளித்த ஜெமினி மணி, "நான் விஜய்யின் தீவிர ரசிகன். எப்படியாவது அவரை பார்க்க வேண்டும் என்பதற்காகவே பாதுகாப்பு பணியாளர்களுக்கு முன்பாக சென்று சஞ்சயை தூக்கிக்கொண்டு வந்தேன். அப்போது அவர் தனது பள்ளிப்பையை கீழே போட்டுவிட்டு தப்பிக்க முயற்சி செய்தார்" என்று நகைச்சுவையாக விளக்குகிறார்.

இந்த உரையாடல் இடம்பெற்ற வீடியோ தற்போது சமூக வலைதளங்களில் பரவலாக பகிரப்பட்டு வருகிறது. குறிப்பாக, ஜேசன் சஞ்சயின் இயல்பான பேச்சு மற்றும் குழந்தைகளுடன் பழகும் விதத்தை பலரும் பாராட்டி வருகின்றனர்.

ஜேசன் சஞ்சய் தொடர்ந்து குழந்தைகளுடன் எடுத்துக்கொள்ளும் புகைப்படங்கள் மற்றும் வீடியோக்களும் ரசிகர்களிடையே நல்ல வரவேற்பைப் பெற்று வருகின்றன. இயக்குநராக தனது பயணத்தை தொடங்கியுள்ள அவர், எதிர்காலத்தில் திரையுலகில் தனக்கென ஒரு தனி அடையாளத்தை உருவாக்குவார் என்ற எதிர்பார்ப்பும் ரசிகர்கள் மத்தியில் காணப்படுகிறது.

இதற்கிடையில், ஜேசன் சஞ்சய் மற்றும் அவரது குடும்பம் தொடர்பாக சமூக வலைதளங்களில் பல்வேறு தகவல்கள் மற்றும் யூகங்கள் அவ்வப்போது பரவி வருகின்றன. இருப்பினும், அவற்றில் பலவற்றுக்கு சம்பந்தப்பட்ட தரப்பினரிடமிருந்து அதிகாரப்பூர்வ உறுதிப்படுத்தல் வெளியாகவில்லை என்பது குறிப்பிடத்தக்கது.