மீண்டும் பார்த்திபனுடன் இணைந்த வைகைப்புயல்.! கொண்டாட்டத்தில் ரசிகர்கள்.!
Vadivelu in Parthiban new movie
பார்த்திபன்-வடிவேலு இருவரும் இணைந்து நடித்த காமெடி காட்சிகள் தமிழ் சினிமா ரசிகர்கள் மத்தியில் மிகவும் ரசிக்கத்தக்கவையாகும்.
நடிகர் மற்றும் இயக்குனரான பார்த்திபன் எப்பொழுதும் வித்தியாசமாகவும், புதியதாகவும் செய்து கொண்டிருப்பவர். அந்த முயற்சி சில நேரங்களில் அவருக்கு வெற்றியும் பெற்று தந்திருக்கிறது. அந்த வகையில் இவர் வித்தியாசமாக இயக்கியிருந்த ஒத்த செருப்பு திரைப்படம் இந்திய அளவில் கவனம் ஈர்த்தது குறிப்பிடத்தக்கது.
அந்த வகையில் தற்போது ஒரே ஷாட்டில் உருவாகும் இரவினில் நிழல் என்ற படத்தை இயக்கவுள்ளார். இந்த படத்திற்கு இசைப்புயல் ஏ ஆர் ரகுமான் இசையமைக்கிறார்.
இந்தநிலையில் இந்த படத்திற்கு பிறகு பார்த்திபன் காமெடி நடிகர் வடிவேலுவை வைத்து ஒரு முழுநீள நகைச்சுவை திரைப்படம் இயக்க உள்ளதாக சமீபத்திய பேட்டி ஒன்றில் கூறியுள்ளார். இதனால் நீண்ட நாட்களுக்கு பிறகு பார்த்திபன் வடிவேலு கூட்டணி மீண்டும் இணைவதால் ரசிகர்கள் மிகுந்த எதிர்பார்ப்பில் உள்ளனர்.
English Summary
Vadivelu in Parthiban new movie