இயக்குனர் வெற்றி மாறனின் கிராஸ் ரூட் பிலிம் கம்பெனி தயாரிப்பில் அறிமுக இயக்குனர் வர்ஷா பரத் இயக்கத்தில் உருவாகி இருக்கும் திரைப்படம் 'பேட் கேர்ள்'. அஞ்சலி சிவராமன் இந்த படத்தில் முக்கிய கதாபாத்திரத்தில் நடித்துள்ளார். இவருடன் சாந்தி பிரியா, சரண்யா ரவிச்சந்திரன், ஹ்ரிது ஹரூன், டீஜே, சஷங்க் பொம்மிரெட்டிபல்லி மற்றும் பலர் நடித்துள்ளனர்.

அமித் திரிவேதி இசையமைத்துள்ளார். ஒரு டீனேஜ் பெண் வளர்ந்து வரும் சூழலில் அவளுக்கு ஏற்படும் ஆசைகள், கனவுகள், இச்சைகள் அவள் எப்படி இந்த உலகத்தை பார்க்கிறாள், அனுபவிக்கிறாள் என்பதை பற்றி இப்படம் பேசியுள்ளது.

She's finally coming home! After winning hearts and awards at several international film festivals, #BadGirl is coming to theatres from September 5th!@anuragkashyap72 #VetriMaaran @GrassRootFilmCo @varshabharath03#AnjaliSivaraman @ItsAmitTrivedi pic.twitter.com/ZCp9HMPiG1

— Grass Root Film Co (@GrassRootFilmCo) July 8, 2025

இந்த படத்தின் டீசர் சமீபத்தில் வெளியாகி சர்ச்சையை ஏற்படுத்தியது குறிப்பாக டீசரில் வைத்த காட்சிகள் மற்றும் வசனங்கள் ஒரு குறிப்பிட்ட சமூகத்தினரை அவமதிப்பதுபோல் இருப்பதாக படத்திற்கு எதிராக வழக்குகளும் பதிவு செய்யப்பட்டன.

இந்த 'பேட் கேர்ள்' கோவாவில் நடைபெற்ற 54-வது சர்வதேச திரைப்பட விழாவில் திரையிடப்பட்டு விருதுகளையும் வென்றுள்ளது. இந்த நிலையில், 'பேட் கேர்ள்' படத்தின் ரிலீஸ் தேதி அறிவிக்கப்பட்டுள்ளது. 

வருகிற செப்டம்பர் 05ந் தேதி படம் வெளியாகும் என தயாரிப்பு நிறுவனம் அறிவித்துள்ளது இதற்கு முன்னர் காக்கா முட்டை, விசாரணை, வட சென்னை உள்ளிட்ட பல விருதுகளை வென்ற வெற்றி மாறனின் கிராஸ் ரூட் பிலிம் கம்பெனி தயாரித்துள்ளமை குறிப்பிடத்தக்கது.