புச்சி பாபு சனா இயக்கத்தில் ராம் சரண் நடிப்பில் உருவாகியுள்ள படம் 'பெத்தி'. இந்த படத்தில் ஜான்வி கபூர், சிவராஜ்குமார், ஜெகபதி பாபு, பொம்மன் இராணி ஆகியோரும் முக்கிய பாத்திரங்களில் நடித்துள்ளனர். படத்திற்கு ஏ ஆர் ரஹ்மான் இசையமைத்துள்ளார்.

கடந்த 2024-ஆம் ஆண்டு நவம்பர் மாதம் இப்படத்தின் படப்பிடிப்பு தொடங்கிய நிலையில், இந்தாண்டு மார்ச் 27-ஆம் தேதி வெளியாகும் என முதலில் அறிவிக்கப்பட்டது. ஆனால், பட வேலைகள் நிறைவடையாததால் ஏப்ரல் 30-ஆம் தேதிக்கு தள்ளி வைக்கப்பட்டது. தற்போது படத்தின் ஒரு சண்டைக்காட்சி படப்பிடிப்பின் போது நடிகர் ராம்சரணுக்கு ஏற்பட்ட விபத்தின் காரணமாக படப்பிடிப்பு நின்ற நிலையில், ஜூன் மாதத்திற்கு தள்ளி வைக்கப்பட்டுள்ளது.

Meet #PEDDI on June 4th ❤️‍🔥
See you in Cinemas. pic.twitter.com/axzrkheBIe

— Ram Charan (@AlwaysRamCharan) May 1, 2026

சமீபத்தில் ராம்சரணுக்கு உடல்நிலை சீராகி மீதமுள்ள படப்பிடிப்பில் கலந்து கொண்டு சண்டைக்காட்சியை நடித்து முடித்துள்ளார். இந்நிலையில், இன்று இப்படத்தின் ரிலீஸ் தேதியை படக்குழுவினர் செய்தியாளர் சந்திப்பில் அதிகாரப்பூர்வமாக அறிவித்துள்ளனர்.

அதன்படி படம் ஜூன் 04-ஆம் தேதி வெளியாக உள்ளது. RRR படத்துக்கு பிறகு ராம் சரண் நடிப்பில் வெளியான 'Game Changer' எதிர்பார்த்த வெற்றியை பெறவில்லை. இந்நிலையில், இந்தப் படத்தின் வெற்றிக்காக அவரது ரசிகர்கள் காத்திருக்கின்றனர்.