நடிகை, பின்னணி பாடகி, தயாரிப்பாளர் என பல முகங்கள் கொண்ட ஆண்ட்ரியா, சமீபத்தில் வெளியான மாஸ்க் திரைப்படம் மூலம் தயாரிப்பாளராக களமிறங்கினார். கவின் ஹீரோவாக நடித்த இந்த படத்தை ஆண்ட்ரியா–வெற்றிமாறன் கூட்டணி தயாரித்தது. வீட்டையே அடமானம் வைத்து தயாரித்த படமாக இருந்தபோதும், எதிர்பார்த்த வெற்றியை பெறாமல், வெறும் ஐந்து நாட்களில் சுமார் ரூ.5 கோடி மட்டுமே வசூலித்திருப்பது ஆண்ட்ரியாவுக்கு பெரிய அதிர்ச்சியை ஏற்படுத்தியுள்ளது.

ஒரு பக்கம் படத்தின் குறைந்த வசூல் மனஉளைச்சலை ஏற்படுத்திய நிலையில், இன்னொரு பக்கம் அவர் அளித்த பேட்டியில் ஆயிரத்தில் ஒருவன் 2 பற்றி நக்கலாக கூறிய பதில் தற்போது சமூக வலைதளங்களில் ட்ரெண்டாகி வருகிறது.

பேட்டியில் தொகுப்பாளர் — “ஆயிரத்தில் ஒருவன் 2, 3 வருமா?” — என கேட்க, ஆண்ட்ரியா உடனே,“நான் வரல ப்பா… அதெல்லாம் ஒரே முறைதான்!”என்று வட்டமாக பதிலளித்தார்.

மேலும்,“அந்தப் படத்தில் எனக்கு பிடித்த பாடல் ‘மாலை நேரமே’. ஆனால் அது படத்திலே இல்லையே! ரெக்கார்டிங் போது எனக்கு ஜலதோஷம் இருந்தது…”என்று அவர் நினைவுகளை பகிர்ந்தார்.

இதற்கிடையில், செல்வராகவனுடன் இணைத்து கிளம்பிய பழைய கிசுகிசுக்கள் காரணமாகவே ஆயிரத்தில் ஒருவன் 2-ல் நடிக்க மாட்டேன் என்று ஆண்ட்ரியா முடிவு செய்துள்ளார் எனும் பேச்சும் மீண்டும் இணையத்தில் பரவி வருகிறது.

ஆண்ட்ரியாவின் கடந்த கால ரிலேஷன்ஷிப் சர்ச்சைகள் — அனிருத் புகைப்படங்கள் முதல், மற்ற பிரபலங்களுடன் இணைத்து வந்த கிசுகிசுக்கள் வரை — எப்போதும் பயனாளர்களின் கவனத்தை ஈர்த்திருக்கின்றன. அதில், ஆயிரத்தில் ஒருவன் படத்திற்குப் பின் அவர் மற்றும் இயக்குநர் செல்வராகவனுக்கு இடையே நெருக்கம் இருந்தது என்ற வதந்தியும் அந்த காலத்தில் பரபரப்பை கிளப்பியது. இந்த காரணம் இன்றும் ரசிகர்கள் மனதில் இணைத்து பேசப்படுகிறது.

இந்நிலையில், ஆயிரத்தில் ஒருவன் 2 குறித்து ஆண்ட்ரியா அளித்த நக்கல் பேட்டி தற்போது வைரலாகி, மீண்டும் அந்த பழைய சர்ச்சைகளையும் விவாத மேடைக்கு கொண்டு வந்துள்ளது.