நடிகை மிருணாள் தாக்கூரும், இந்திய கிரிக்கெட் அணியின் இளம் நட்சத்திர வீரர் யஷஸ்வி ஜெய்ஸ்வாலும் டேட்டிங் செய்து வருவதாக சமூக வலைதளங்களில் புதிய வதந்தி பரவி வருகிறது. மும்பையில் உள்ள ஒரு கஃபேவில் இருவரும் ஒரே நேரத்தில் இருந்ததாக வெளியான வீடியோ இந்த விவாதத்திற்கு காரணமாகியுள்ளது.

மும்பையின் பாந்த்ரா வெஸ்ட் பகுதியில் உள்ள பூஜீ கஃபேவில் எடுக்கப்பட்டதாகக் கூறப்படும் வீடியோவில், யஷஸ்வி ஜெய்ஸ்வால் கஃபேவில் இருந்து வெளியே வருவதும், அதே நேரத்தில் நடிகை மிருணாள் தாக்கூர் அங்கு இருப்பதும் பதிவாகியுள்ளது. இந்த வீடியோ சமூக வலைதளங்களில் வேகமாக பரவியதையடுத்து, இருவரும் சந்தித்தார்களா என்ற கேள்வி ரசிகர்கள் மத்தியில் எழுந்துள்ளது.

இதையடுத்து, இருவரின் வயது வித்தியாசமும் இணையத்தில் பேசுபொருளாகியுள்ளது. 33 வயதான மிருணாள் தாக்கூருக்கும், 24 வயதான யஷஸ்வி ஜெய்ஸ்வாலுக்கும் இடையே சுமார் 9 ஆண்டுகள் வயது வித்தியாசம் இருப்பதை குறிப்பிட்டு பலரும் கருத்துகளை பகிர்ந்து வருகின்றனர்.

ஆனால், வைரலாகும் வீடியோவில் இருவரும் ஒன்றாக அமர்ந்து பேசுவது, உணவருந்துவது அல்லது காபி அருந்துவது போன்ற எந்தக் காட்சியும் இடம்பெறவில்லை. ஒரே இடத்தில் ஒரே நேரத்தில் இருந்தது மட்டுமே வீடியோவில் பதிவாகியுள்ளது.

இதற்கு முன்பும் மிருணாள் தாக்கூரின் பெயர் நடிகர் தனுஷுடன் இணைத்து சமூக வலைதளங்களில் வதந்திகளாக பரவியது. தற்போது யஷஸ்வி ஜெய்ஸ்வாலின் பெயர் இணைக்கப்பட்டுள்ளதால், இந்த விவகாரம் மீண்டும் இணையத்தில் கவனம் பெற்றுள்ளது.

இந்த வைரல் வீடியோ மற்றும் டேட்டிங் வதந்தி குறித்து இதுவரை மிருணாள் தாக்கூரோ, யஷஸ்வி ஜெய்ஸ்வாலோ எந்த அதிகாரப்பூர்வ விளக்கமும் அளிக்கவில்லை. மேலும், இருவரும் காதலித்து வருகிறார்கள் என்பதை உறுதிப்படுத்தும் எந்த ஆதாரமும் வெளியாகவில்லை.

எனவே, தற்போது சமூக வலைதளங்களில் பரவி வரும் தகவல்கள் அனைத்தும் வதந்திகள் மற்றும் இணைய பயனர்களின் ஊகங்களின் அடிப்படையிலானவை என்பதால், அதிகாரப்பூர்வ தகவல் வெளியாகும் வரை இதனை உறுதிப்படுத்தப்பட்ட செய்தியாகக் கருத முடியாது.