ஹிந்தி நடிகரான சூர்யா! நேரடி முதல் ஹிந்தி படம் உறுதியானது!
actor surya new hindi movie
நடிகர் சூர்யா, தன்னுடைய முதல் நேரடி இந்திப் படத்தில் நடிக்க உள்ளதை சமீபத்திய பேட்டியொன்றில் உறுதிப்படுத்தியுள்ளார்.
இதுகுறித்து பேச்சுவார்த்தைகள் இன்னும் நடந்து கொண்டிருப்பதாகக் கூறிய அவர், "ஒரு படத்தின் படப்பிடிப்பு தொடங்குவதற்கு முன்பு பல விஷயங்கள் முடிவடைய வேண்டும். இந்த முயற்சிகள் ஓராண்டுக்கு முன்பே தொடங்கி உள்ளன. எனது முதல் இந்திப் படமாக அதுவே இருக்கலாம், ஆனால் இதனை இப்போது வெளிப்படையாகப் பேச சரியான நேரம் அல்ல. தயாரிப்பாளர்கள் அறிவிக்கும்போது தான் உகந்ததாக இருக்கும்,” எனக் குறிப்பிட்டார்.
அதேவேளை, பிரபல இயக்குனர் ராகேஷ் ஓம்பிரகாஷ் மெஹ்ரா இயக்கவுள்ள “கர்ணா” படத்தில் சூர்யா நடிக்க உள்ளதாகச் செய்திகள் வெளிவந்துள்ளன.
மும்பையில் சூர்யா மற்றும் ராகேஷ் ஓம்பிரகாஷ் மெஹ்ரா சந்தித்த புகைப்படங்கள் மற்றும் வீடியோக்கள் சமூக வலைதளங்களில் பரவி வருகின்றன. இருப்பினும், இதுவரை அதிகாரப்பூர்வ அறிவிப்பு எதுவும் வெளியிடப்படவில்லை.
மேலும், “தூம் 4” படத்தின் வில்லன் கதாபாத்திரத்தில் சூர்யா நடிக்க உள்ளதாகவும் செய்திகள் பரவியுள்ளன, இது சூர்யாவின் பன்முக திறமையை இந்திப் படங்களில் காண ஆவலாக இருக்கும் ரசிகர்களுக்கு களைகட்டும் செய்தியாகும்.
English Summary
actor surya new hindi movie