தங்கம் விலை கடந்த சில நாட்களாக ஏற்றத்தாழ்வுகளுடன் முதலீட்டாளர்களை குழப்பத்தில் ஆழ்த்தி வருகிறது. இதைத் தொடர்ந்து உயர்ந்து வந்த விலை, திடீரென சரிவை சந்தித்து பின்னர் மீண்டும் வேகமாக உயர்ந்தது.

அதிலும் குறிப்பாக கடந்த 16-ந்தேதி முதல் மூன்று நாட்கள் தொடர்ச்சியாக சரிவைக் கண்டது.அந்த மூன்று நாட்களில் மட்டும், ஒரு கிராமுக்கு ரூ.330 வரை குறைந்து, சவரனுக்கு ரூ.2,640 வீழ்ச்சி ஏற்பட்டது.

ஆனால் இந்த சரிவு நீடிக்காமல், மறுநாளே தங்கம் மீண்டும் அதிரடியாக உயர்வு கண்டது. அதன்படி, ஒரு கிராம் ரூ.14,230-க்கும், ஒரு சவரன் ரூ.1,13,840-க்கும் விற்பனை செய்யப்பட்டது.

இதைத் தொடர்ந்து ஏற்பட்ட ஏற்றத்தில், கிராமுக்கு ரூ.270 மற்றும் சவரனுக்கு ரூ.2,160 அதிகரித்து, விலை முறையே ரூ.14,500 மற்றும் ரூ.1,16,000 என்ற அளவைத் தொட்டது.

இந்நிலையில் சென்னை சந்தையில் இன்று 22 கேரட் ஆபரணத் தங்கத்தின் விலை சற்றே குறைந்துள்ளது. சவரனுக்கு ரூ.640 சரிந்து ரூ.1,15,360-க்கும், கிராமுக்கு ரூ.80 குறைந்து ரூ.14,420-க்கும் விற்பனை செய்யப்படுகிறது.

மேலும், வெள்ளி விலையில் இன்று எந்த மாற்றமும் இல்லை. ஒரு கிராம் ரூ.270-க்கும், பார் வெள்ளி ரூ.2,70,000-க்கும் விற்பனை செய்யப்படுகிறது.
கடைசி ஐந்து நாள் தங்கம் விலை நிலவரம்
19-02-2026 – ஒரு பவுன் (22 காரட்) ரூ.1,16,000
18-02-2026 – ரூ.1,13,840
17-02-2026 – ரூ.1,14,560
16-02-2026 – ரூ.1,15,520
15-02-2026 – ரூ.1,16,480
கடைசி ஐந்து நாள் வெள்ளி விலை நிலவரம்
19-02-2026 – ஒரு கிராம் ரூ.270
18-02-2026 – ரூ.260
17-02-2026 – ரூ.265
16-02-2026 – ரூ.265
15-02-2026 – ரூ.280
மொத்தத்தில், தங்கம்–வெள்ளி சந்தையில் விலை ஏற்றத் தாழ்வுகள் தொடர்வதால், முதலீட்டாளர்கள் மற்றும் நகை வாங்குபவர்கள் எச்சரிக்கையுடன் இருக்க வேண்டிய நிலை உருவாகியுள்ளது.