இந்திய இருசக்கர வாகன சந்தையில் தினசரி பயன்பாட்டுக்கான பட்ஜெட் ஸ்கூட்டர்களுக்கு தொடர்ந்து வரவேற்பு இருந்து வருகிறது. குறிப்பாக குடும்பங்கள், பணிக்குச் செல்லும் பெண்கள் மற்றும் கல்லூரி மாணவர்கள் குறைந்த விலையில் அதிக மைலேஜ் வழங்கும் ஸ்கூட்டர்களை எதிர்பார்க்கின்றனர். அந்த வகையில், ரூ.1 லட்சம் எக்ஸ்-ஷோரூம் விலைக்குள் கிடைக்கும் மாடல்களில், மைலேஜ், விலை மற்றும் பயன்பாடு ஆகியவற்றின் அடிப்படையில் கவனிக்கத்தக்க 10 ஸ்கூட்டர்கள் உள்ளன.

இந்த பட்டியலில் முதலில் இடம்பெறுவது டிவிஎஸ் நிறுவனத்தின் XL 100 Heavy Duty மாடல். 99.7 சிசி இன்ஜின் கொண்ட இந்த வாகனம் சுமார் 60 முதல் 65 கி.மீ வரை மைலேஜ் வழங்குவதாக கூறப்படுகிறது. ரூ.44,999 முதல் ரூ.60,160 வரையிலான எக்ஸ்-ஷோரூம் விலையில் கிடைக்கும் இந்த மாடல், அதிக சுமைகளை எடுத்துச் செல்வதற்கும் கிராமப்புற மற்றும் கரடுமுரடான சாலைகளில் பயன்படுத்துவதற்கும் ஏற்றதாக உள்ளது. எளிமையான பராமரிப்பு இதன் மற்றொரு சிறப்பம்சமாக பார்க்கப்படுகிறது.

அடுத்ததாக டிவிஎஸ் Scooty Zest 110 மாடல் உள்ளது. 109.7 சிசி இன்ஜின் கொண்ட இந்த ஸ்கூட்டர் சுமார் 50 முதல் 55 கி.மீ மைலேஜ் வழங்கும் என கூறப்படுகிறது. ரூ.74,456 முதல் ரூ.76,255 வரையிலான எக்ஸ்-ஷோரூம் விலையில் கிடைக்கும் இந்த மாடல் குறைந்த எடை மற்றும் எளிதான கையாளுதலுக்காக அறியப்படுகிறது. நகர்ப்புற போக்குவரத்து நெரிசலில் தினசரி பயணங்களுக்கு இது வசதியான தேர்வாக இருக்கிறது.

டிவிஎஸ் Jupiter 110 மாடலும் ரூ.1 லட்சத்திற்குள் கிடைக்கும் பிரபலமான குடும்ப ஸ்கூட்டர்களில் ஒன்றாகும். 113.3 சிசி இன்ஜின் கொண்ட இந்த மாடல் சுமார் 50 முதல் 53 கி.மீ மைலேஜ் வழங்குவதாக கூறப்படுகிறது. ரூ.73,700 முதல் ரூ.87,250 வரையிலான எக்ஸ்-ஷோரூம் விலையில் கிடைக்கும் இந்த ஸ்கூட்டரில் 12 இன்ச் வீல்கள்