ஹோண்டா கார்ஸ் இந்தியா, தனது இந்திய சந்தையை மீண்டும் கைப்பற்றும் நோக்கத்தில் புதிய அதிரடி திட்டங்களை அறிவித்துள்ளது. ஜப்பானைச் சேர்ந்த இந்த பிரபல வாகன உற்பத்தியாளர் நிறுவனம், 2030-க்கு முன் ஐந்து புதிய SUV கார்களை இந்தியாவில் அறிமுகப்படுத்தவுள்ளதாக தெரிவித்துள்ளது. இதில் முதற்கட்டமாக, Honda Elevate EV என்ற புதிய மின்சார எஸ்யூவி அடுத்த ஆண்டு இந்திய சந்தையில் களமிறங்கவிருக்கிறது.

இந்த புதிய மாடல், தற்போதுள்ள எலக்டிவேட் ICE (Internal Combustion Engine) காரை அடிப்படையாகக் கொண்டு உருவாக்கப்படுகிறது. DG9D எனும் குறியீட்டுப் பெயரில் பருவம் பெறும் இந்த EV, ஹோண்டாவின் ‘ACE – Asian Compact Electric’ திட்டத்தின் கீழ் உருவாகிறது. இது ஹோண்டாவின் முதல் முழு மின்சார SUV ஆகும்.

பேட்டரி மற்றும் இயக்கம்:

புதிய Honda Elevate EV-யில் சுமார் 40-50kWh பேட்டரி பேக் பொருத்தப்படும் என எதிர்பார்க்கப்படுகிறது. முன் அச்சு மோட்டாருடன் (Front Wheel Drive) இணைக்கப்பட்டுள்ள இது, ஒரு முறை முழு சார்ஜ் செய்தால் 400 கிலோமீட்டருக்கு மேல் பயணிக்கக்கூடிய திறன் கொண்டதாக இருக்கும்.

வடிவமைப்பு மற்றும் அம்சங்கள்:

Elevate EV, அதன் ICE பதிப்பைப் போலவே அதே தளத்தையும் வடிவமைப்பையும் பகிர்ந்து கொள்கிறது. இதில் இடம்பெறவுள்ள முக்கிய அம்சங்களில்:

• 10.25-இன்ச் டச் ஸ்கிரீன் இன்ஃபோடெயின்மென்ட் சிஸ்டம்

• Wireless phone charger

• Auto-dimming IRVM, ambient lighting

• ADAS (Honda Sensing Suite) தொழில்நுட்பங்கள்

• Lane watch camera, G-meter display

• Panoramic sunroof, ventilated front seats, 360° parking camera மற்றும் பல

பாதுகாப்பு மற்றும் கட்டமைப்பு:

Elevate EV ஒரு ‘soft and connected’ கட்டமைப்பைக் கொண்டிருக்கும் என ஹோண்டா தெரிவித்துள்ளது. இதில் அதிக இழுவிசை எஃகு பயன்படுத்தப்படுவதால், வாகனத்தின் எடை குறைந்து, அதன் மோதல் பாதுகாப்பு, நிலைத்தன்மை மற்றும் கையாளும் திறன் மேம்படும்.

உற்பத்தி மற்றும் ஏற்றுமதி திட்டம்:

இந்த புதிய EV, ராஜஸ்தானில் உள்ள தபுகாரா உற்பத்தி நிலையத்தில் தயாரிக்கப்படும். ஹோண்டா, இவ்வாகனத்தை உலக சந்தைகளுக்கும் ஏற்றுமதி செய்யத் திட்டமிட்டுள்ளது. மொத்த உற்பத்தியில் 50-70% வரை ஏற்றுமதிக்கான இலக்கு உள்ளது. இது இந்தியாவை உலக EV உற்பத்தி மையமாக மாற்றும் வாய்ப்பை உருவாக்குகிறது.

போட்டியாளர்கள் மற்றும் எதிர்பார்ப்பு:

Honda Elevate EV, இந்தியாவின் வேகமாக வளரும் மின்சார வாகன சந்தையில், Hyundai Creta EV, MG ZS EV, Mahindra BE 6, Tata Sierra EV, மற்றும் Maruti e-Vitara போன்ற வாகனங்களுடன் நேரடி போட்டியை சந்திக்கவிருக்கிறது. இந்த காரின் திறன், அம்சங்கள் மற்றும் விலை எல்லாம் இளம் தலைமுறையை ஈர்க்கும் வகையில் இருக்கும் என எதிர்பார்க்கப்படுகிறது.

இந்தியாவிலேயே தயாரிக்கப்பட்ட EV, உலக சந்தைகளுக்கே ஏற்றுமதி செய்யும் திட்டம் – ஹோண்டா நிறுவனம் மிகப்பெரிய திட்டத்துடன் இந்திய எலக்ட்ரிக் வாகன சந்தையில் மீண்டும் நட்சத்திரமாக ஜொலிக்க தயாராகியுள்ளது. Honda Elevate EV, இந்தியா மட்டுமல்ல, உலகளாவிய சந்தையிலும் ஹோண்டாவின் புதிய மாற்றத்தை சுட்டிக்காட்டும் மாடலாக அமையும் என்பது உறுதி.