வாய்ப்பே இல்லை! போர் நிறுத்த பேச்சு வார்த்தைக்கு இங்கு இடமில்லை...!-ஈரான்

ஈரான் நாடு அணு ஆயுதத்தை தயாரிப்பதில் தீவிரமாகவுள்ளது என்றும் அது தங்களுக்கு அச்சுறுத்தலாக இருப்பதாக தெரிவித்து ஈரான் மீது இஸ்ரேல் தாக்குதல் நடத்தியது. இதற்கு பதிலடியாக ஈரானும் இஸ்ரேல் மீது கடும் தாக்குதல் நடத்தியது.

இந்த இஸ்ரேலும், ஈரானும் தொடர்ந்து பரஸ்பர தாக்குதலில் ஈடுபட்டு வருவதால் போர் வெடிக்கும் அபாயம் உலக நாடுகளுக்கு ஏற்பட்டுள்ளது.

மேலும், ஈரானும் இஸ்ரேலும் போர் நிறுத்தம் செய்ய வேண்டும் என்று அமெரிக்க அதிபர் டொனால்ட் டிரம்ப் வலியுறுத்தியுள்ளார்.இந்த நிலையில், போர்நிறுத்த பேச்சுவார்த்தைக்கு தற்போது வாய்ப்பில்லை என்று ஈரான் திட்டவட்டமாக தெரிவித்துள்ளது.

அதுமட்டுமின்றி,இஸ்ரேல் நடத்திய தாக்குதலுக்கு தக்க பதிலடியை கொடுத்தபிறகே போர்நிறுத்த பேச்சுவார்த்தைக்கு ஈரான் முன்வரும் என்று கத்தார் மற்றும் ஓமன் நாடுகளிடம் தெரிவித்ததாக தகவல் தற்போது வெளியாகியுள்ளது.