உக்ரைன் போர் தொடங்கிய 2022 முதல் இந்தியா, ரஷ்யாவிடம் இருந்து அதிகளவில் கச்சா எண்ணெய் இறக்குமதி செய்து வருகிறது. மேற்கு நாடுகளின் கடும் எதிர்ப்பையும் மீறி, மலிவான விலையில் கிடைக்கும் ரஷ்ய எண்ணெய் இந்தியாவிற்கு முக்கிய ஆதாரமாக மாறியுள்ளது. ஆனால், இதனால் அமெரிக்கா-இந்தியா உறவில் புதிய பதற்றம் உருவாகியுள்ளது.

அமெரிக்கா, ரஷ்ய எண்ணெயுடன் தொடர்புடைய இந்திய இறக்குமதிகளுக்கு 25% வரி விதிக்கிறது என்று அறிவித்துள்ளது. இந்த நடவடிக்கை 2025 ஆகஸ்ட் 27-ஆம் தேதி முதல் அமலுக்கு வரும். அமெரிக்க கருவூலத் துறை இதை "சந்தர்ப்பவாத வர்த்தகத்திற்கு எதிரான அபராத நடவடிக்கை" என விளக்கியுள்ளது.

பின்லாந்தின் எரிசக்தி நிறுவனம் CREA வெளியிட்ட தரவுகளின்படி:2022 முதல் இந்தியா ரூ. 132 பில்லியன் (தோராயமாக ரூ. 13.39 லட்சம் கோடி) மதிப்பிலான கச்சா எண்ணெயை ரஷ்யாவிடம் இருந்து வாங்கியுள்ளது.இது ரஷ்யாவின் மொத்த எண்ணெய் ஏற்றுமதி வருவாயில் 20% பங்கை வகிக்கிறது.இதைத் தொடர்ந்து, ரூ. 16 பில்லியன் மதிப்பிலான நிலக்கரி இறக்குமதி செய்துள்ளது.மொத்தத்தில், இந்தியாவின் ரஷ்ய புதைபடிவ எரிபொருள் இறக்குமதி ரூ. 148 பில்லியன் ஆக உயர்ந்துள்ளது.

ஒப்பிடுகையில்,சீனா – ரூ. 268 பில்லியன்,ஐரோப்பிய ஒன்றியம் – ரூ. 213 பில்லியன்,இந்தியா – ரூ. 148 பில்லியன்,துருக்கி – ரூ. 111 பில்லியன்என்று புள்ளிவிவரங்கள் காட்டுகின்றன.

அமெரிக்க கருவூலத் துறைச் செயலாளர் ஸ்காட் பெசென்ட்,ரஷ்ய எண்ணெய் விற்பனை மூலம் இந்தியாவும், சில செல்வந்தர்களும் "$16 பில்லியன் லாபம் ஈட்டியுள்ளனர்" என்று குற்றம் சாட்டினார்.இது "ஏற்றுக்கொள்ள முடியாத சந்தர்ப்பவாதம்" என அவர் கூறினார்.ஆனால், இந்த லாபக் கணக்கீடு எவ்வாறு வந்தது என்பது குறித்து தெளிவாக விளக்கவில்லை.

இந்தியா, அமெரிக்காவின் புதிய வரி நடவடிக்கையை கடுமையாக நிராகரித்துள்ளது.இது நியாயமற்றது என்றும்,எண்ணெய் சுத்திகரிப்பு நிறுவனங்கள் ரஷ்யாவிடம் இருந்து எண்ணெய் வாங்குவதைத் தொடரும் என்றும் இந்திய அரசு வலியுறுத்தியுள்ளது.

"இந்தியாவின் எரிசக்தி பாதுகாப்பு கொள்கை எங்களுடைய தேவைகளை மையமாகக் கொண்டது. பிற நாடுகளின் அழுத்தம் எங்கள் கொள்கையை மாற்றாது" என இந்தியா தெரிவித்துள்ளது.

அமெரிக்காவின் இந்த வரி, இந்தியாவின் எண்ணெய் விலை நிலைத்தன்மை மற்றும் உள்நாட்டு சந்தை மீது அழுத்தம் கொடுக்கக்கூடும். அதேசமயம், இந்தியா தனது சுயாதீன எரிசக்தி கொள்கையை காப்பாற்றும் நிலையில் உள்ளது.உலகளாவிய வர்த்தக சமநிலையிலும், அமெரிக்கா-இந்தியா உறவிலும் இது புதிய சவாலாக உருவாகியுள்ளது.