சென்னை வானிலை ஆய்வு மையம் வெளியிட்டுள்ள புதிய முன்னறிவிப்பின் படி,
டிசம்பர் 17ஆம் தேதி தென் தமிழகத்தின் சில பகுதிகளிலும், வட தமிழகத்தின் ஓரிரு இடங்களிலும், புதுவை மற்றும் காரைக்கால் பகுதிகளில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்பு உள்ளது.டிசம்பர் 18ஆம் தேதி தென் தமிழகத்தின் ஓரிரு இடங்களில் மழை தொடரக்கூடும். அதே நேரத்தில் அதிகாலை நேரங்களில் லேசான பனிமூட்டம் காணப்படும். வட தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவும்.டிசம்பர் 19 முதல் 21 வரை, தமிழகம் முழுவதும், புதுவை மற்றும் காரைக்கால் பகுதிகளில் பெரும்பாலும் வறண்ட வானிலை நிலவும். அதிகாலை வேளையில் சில இடங்களில் பனிமூட்டம் உருவாகலாம்.
வெப்பநிலை மாற்றம் குறித்து:
17ஆம் தேதி வரை குறைந்தபட்ச வெப்பநிலையில் பெரிய மாற்றமில்லை என்றாலும், சில பகுதிகளில் சற்றே குறைவாக உணரப்படலாம்.
18 முதல் 21ஆம் தேதி வரை குறைந்தபட்ச வெப்பநிலை 2–3° செல்சியஸ் வரை படிப்படியாக குறையக்கூடும், இதனால் குளிர் அதிகரிக்கும் வாய்ப்பு உள்ளது.
சென்னை & புறநகர் வானிலை:
இன்று வானம் பகுதி மேகமூட்டத்துடன் காணப்படும். நகரின் சில பகுதிகளில் லேசான மழைக்கு வாய்ப்பு உள்ளது.
அதிகபட்ச வெப்பநிலை சுமார் 30° செல்சியஸ், குறைந்தபட்சம் 23–24° செல்சியஸ் இருக்கும்.
நாளை, மேகமூட்டம் தொடரும் நிலையில், அதிகாலை நேரங்களில் பனிமூட்டம் காணப்படலாம்.
அதிகபட்ச வெப்பநிலை 30° செல்சியஸ், குறைந்தபட்சம் 22–23° செல்சியஸ் அளவில் இருக்கும்.