டான்செட், சீட்டா நுழைவுத் தேர்வு - அண்ணா பல்கலைக்கழகம் முக்கிய அறிவிப்பு.!
tonset and seetta entrence exam apply from today
தமிழகம் முழுவதும் உள்ள அரசு மற்றும் அரசு உதவிப்பெறும் கல்லூரிகள், தனியார் கல்லூரிகளில் அரசு ஒதுக்கீடு இடங்களில், எம்.பி.ஏ., எம்.சி.ஏ. உள்ளிட்ட முதுநிலை பட்டப்படிப்புகளுக்கு அண்ணா பல்கலைக்கழகத்தின் தமிழ்நாடு பொது நுழைவுத் தேர்விலும், எம்.இ., எம்.டெக்., எம்.பிளான்., எம்.ஆர்க் உள்ளிட்ட முதுநிலை என்ஜினீயரிங் பட்டப்படிப்பில் சேர பொது என்ஜினீயரிங் நுழைவுத் தேர்விலும் தேர்ச்சி பெறுவது கட்டாயம்.
இந்த தேர்வை, ஒவ்வொரு வருடமும் அண்ணா பல்கலைக்கழகம் நடத்தி வருகிறது. அந்த வகையில், 2025-26-ம் கல்வியாண்டுக்கான 'டான்செட்' நுழைவுத் தேர்வு வருகிற மார்ச் மாதம் 22-ந்தேதியும், சீட்டா நுழைவுத் தேர்வு மார்ச் மாதம் 23-ந்தேதி நடைபெறவுள்ளது.
இந்தத் தேர்வுகளுக்கான ஆன்லைன் விண்ணப்ப பதிவு இன்று தொடங்குகிறது. தேர்வு எழுதும் மாணவர்கள் https://tancet.annauniv.edu என்ற இணையதளத்தில் அடுத்த மாதம் 21-ந்தேதி வரை விண்ணப்பிக்கலாம் என்று அண்ணா பல்கலைக்கழகத்தின் நுழைவுத் தேர்வு துறை தெரிவித்துள்ளது.
English Summary
tonset and seetta entrence exam apply from today