மாணவர்களுக்கு வட்டி இல்லாத கல்விக்கடன் வழங்கப்படும் என்று  பீகார் முதல் மந்திரி நிதிஷ்குமார் அறிவிப்பு வெளியிடுள்ளார்.மாணவர் கடன் அட்டை திட்டம் கடந்த 2016-ம் ஆண்டு முதல் ஏற்கனவே நடைமுறையில் உள்ளது என்பது குறிப்பிடத்தக்கது.

பீகாரில் மாநிலத்தில் தற்போது நிதிஷ்குமார் தலைமயிலான ஆட்சி நடைபெற்றவருகிறது.இந்த ஆட்சி காலம்விரைவில் முடிவடைகிறது.243 தொகுதிகளை கொண்ட பீகார் சட்டசபைக்கு விரைவில் சட்டசபை தேர்தல் நடைபெற உள்ளது. 
 
இந்நிலையில் முதல்-மந்திரி நிதிஷ்குமார் வெளியிட்ட சமூக வலைதள பதிவில் ‘‘மாணவர் கடன் அட்டை திட்டத்தின் கீழ் 12-ம் வகுப்பு வாரிய தேர்வுகளில் தேர்ச்சி பெற்ற அனைத்து மாணவர்களுக்கும் உயர் கல்வியை தொடர உதவும் வகையில் வட்டி இல்லாத கடன்கள் வழங்கப்படும் என்று தெரிவித்துள்ளார்.

அதுமட்டுமல்லாமல் ₹2 லட்சம் வரையிலான கடனை திருப்பி செலுத்தும் காலம் 60 மாதங்களில் இருந்து 84 மாதங்களாகவும், ₹2 லட்சத்துக்கு மேல் உள்ள கடனை செலுத்தும் காலம் 84 மாதங்களில் இருந்து 120 மாதங்களாகவும் அதிகரிக்கப்பட்டு உள்ளது’’ என கூறியுள்ளார்.

பீகாரில் மாணவர் கடன் அட்டை திட்டம் கடந்த 2016-ம் ஆண்டு முதல் நடைமுறையில் உள்ளது என்பது குறிப்பிடத்தக்கது . முன்னதாக ஆண் விண்ணப்பதாரர்களுக்கு 4 சதவீத வட்டி விகிதத்திலும், பெண்கள், மாற்றுத்திறனாளிகள், திருநங்கைகளுக்கு 1 சதவீத வட்டி விகிதத்திலும் ₹4 லட்சம் வரை கல்விக்கடன் வழங்கப்பட்டன என்பது கூடுதல் தகவல் .