சென்னை- சாலிமர் ரூட்டில் திடீர் சிறப்பு ரயில்...! - கோடை கால நெரிசலுக்கு முற்றுப்புள்ளி...!

எம்.ஜி.ஆர். சென்னை சென்டிரல் மற்றும் சாலிமர் இடையே கோடைக்காலப் பயணிகளை மனதில் கொண்டு, சிறப்பு ரெயில் சேவை அறிமுகப்படுத்தப்பட்டுள்ளது. பயண வசதியை அதிகரிக்கும் இந்த நடவடிக்கை, தெற்கு ரெயில்வே சார்பில் மேற்கொள்ளப்பட்டுள்ளதாக தெரிவிக்கப்படுகின்றது.

இதுகுறித்து வெளியிடப்பட்ட அறிவிப்பில், இன்று (20ஆம் தேதி) இரவு 7.45 மணிக்கு எம்.ஜி.ஆர். சென்னை சென்டிரலிலிருந்து புறப்படும் எக்ஸ்பிரஸ் சிறப்பு ரெயில் (வண்டி எண் 06097), மூன்றாம் நாள் நள்ளிரவு 12.15 மணிக்கு சாலிமர் சென்றடையும் என தெரிவிக்கப்படுகின்றது.

அதேபோல், திரும்பும் பயணத்தில் சாலிமரில் இருந்து 22ஆம் தேதி அதிகாலை 3 மணிக்கு புறப்படும் சிறப்பு ரெயில் (வண்டி எண் 06098), மறுநாள் காலை 9.25 மணிக்கு சென்னை கடற்கரை ரெயில் நிலையம் சென்றடையும் என தெரிவிக்கப்படுகின்றது.

இந்த கோடை சிறப்பு ரெயில்களுக்கான முன்பதிவு விரைவில் தொடங்கப்பட உள்ளது; பயணிகள் முன்கூட்டியே திட்டமிட்டு டிக்கெட் பதிவு செய்து பயன் பெறலாம் என தெரிவிக்கப்படுகின்றது.