வாக்காளர் பட்டியலில் பெயர் சேர்க்க, நீக்க இன்று சிறப்பு முகாம்!

தமிழகம் முழுவதும் கடந்த மாதம் 28-ம் தேதி வரைவு வாக்காளர் பட்டியல் வெளியிடப்பட்டது. இதில், மொத்தம் 6 கோடியே 27 லட்சத்து 30 ஆயிரத்து 588 வாக்காளர்களும், 3.07 கோடி ஆண் வாக்காளர்களும், 3.19 கோடி பெண் வாக்காளர்கள் மற்றும் 8,964 மூன்றாம் பாலினத்தவர்கள் உள்ளனர்.

மேலும், இந்தப் பட்டியலில், தங்களுடைய பெயர் உள்ளதா என்பதை வாக்காளர்கள் தேர்தல் துறையின் இணைய தளம் (www.elections.tn.gov.in) வாயிலாக தெரிந்து கொள்ளலாம். அதில், திருத்தம் ஏதாவது மேற்கொள்ளப்பட வேண்டி இருந்தால், தமிழகம் முழுவதும் இந்தமாதம் நான்கு நாட்கள் நடக்கும் சிறப்பு முகாம்களில் வாக்காளர்கள் விண்ணப்பிக்கலாம் என்று தெரிவிக்கப்பட்டது.

வரைவு வாக்காளர் பட்டியல் வெளியிடப்பட்டதை தொடர்ந்து வாக்காளர் பட்டியல் திருத்தப் பணிகள் தொடங்கிவிட்டன. அதன் படி, நடப்பு மாதம் 16 மற்றும் 17-ம் தேதிகள் மற்றும் 23-ம் தேதிகளில் தமிழகம் முழுவதும் சிறப்பு வாக்காளர் முகாம் நடைபெற்றது.

இந்த நிலையில், வாக்காளர் பட்டியலில் பெயர் சேர்த்தல் மற்றும் திருத்தம் செய்ய இன்று தமிழகம் முழுவதும் சிறப்பு வாக்காளர் முகாம் நடைபெறுகிறது.