அருப்புக்கோட்டையில் அதிர்ச்சி! நேருக்கு நேர் மோதி கொண்ட 2 லாரிகள்...! 3 பேர் பலி

விருதுநகர் மாவட்டத்தில் அருப்புக்கோட்டையில் மதுரை - தூத்துக்குடி 4 வழிச்சாலையில் சென்றுகொண்டிருந்த கண்டெய்னர் லாரியும் சரக்கு லாரியும் நேருக்கு நேர் மோதி கடுமையான விபத்துக்குள்ளானது.

இவ்விபத்தில் இரு வாகனங்களின் ஓட்டுநர்கள் உட்பட 3 பேர் சம்பவ இடத்திலேயே உயிரிழந்தனர்.இந்தத் தகவலறிந்து சம்பவ இடத்திற்கு விரைந்த தீயணைப்புத்துறையினர் இடிபாடுகளுக்குள் சிக்கிய மூவரின் உடல்களை மீட்கும் பணியில் தீவிரமாக ஈடுபட்டனர்.

மேலும், விபத்து குறித்து அருப்புக்கோட்டை காவல் துறையினர் தற்போது விசாரணை நடத்தி வருகின்றனர்.