சபரிமலைக்கு செல்லும் தமிழக பக்தர்களுக்கான முக்கிய அறிவிப்பை வெளியிட்ட காவல்துறை!சபரிமலை பக்தர்கள் அதிக கூட்ட நெரிசலை தவிர்க்க தரிசன வரிசைக்கான டிஜிட்டல் முன்பதிவு செய்ய வேண்டும் என்றும், மேலும் அவர்களுக்கு ஒதுக்கப்பட்ட நேரத்தை கண்டிப்பாக கடைபிடிக்க வேண்டும் என்றும், இதனால் சபரிமலையில் அதிக நெரிசலைத் தவிர்க்கலாம் என்றும் கேரள காவல்துறை அறிவித்துள்ளது. 

பத்தனம்திட்டா:

நாளுக்கு நாள் பக்தர்கள் வருகை அதிகரித்து வருவதால், ஐயப்பனை தரிசனம் செய்ய ஆன்லைன் வரிசையில் முன்பதிவு செய்தவர்கள் தரிசன தினத்தன்று சபரிமலைக்கு வருகை தந்தால், தேவையற்ற நெரிசலைத் தவிர்க்கவும், சிரமமின்றி சுமூகமாக தரிசனம் செய்யவும் உதவும் என்று கேரள மாநில காவல்துறை தெரிவித்துள்ளது. நிகழ்விட முன்பதிவானது 10,000 பக்கதர்கள் ஆக நிர்ணயிக்கப்பட்டுள்ளது. சபரிமலை தரிசனத்திற்கு முன்கூட்டியே வரிசை பதிவு செய்ய விரும்புவர்கள் ஆன்லைன் முன்பதிவு செய்வது கட்டாயமாக்கப்பட்டுள்ளது. 

சபரிமலையில் 30.112024 அன்று இரவு 10 மணி வரை தரிசனத்திற்காக கோயிலுக்குச் சென்றவர்களின் எண்ணிக்கை 66,821 ஆகும், அதில் 13,516 பேர் முன்பதிவு செய்யப்பட்ட நாளில் தங்களுக்கு ஒதுக்கப்பட்ட நேரத்திற்கு முன்னரோ அல்லது பின்னரோ வந்துள்ளனர், நேற்று வரை மொத்தம் 11,12,447 பேர் தரிசனத்திற்கு வந்துள்ளனர். 

இவ்வாறாக நவம்பர் 15ஆம் தேதி முதல் 1,95,327 பேர் தங்களுக்கு ஒதுக்கப்பட்ட நேரத்திற்கு முன்னரோ அல்லது பின்னரோ வந்துள்ளனர். ஒதுக்கீடு செய்யப்பட்ட நேரத்தைப் பின்பற்றாமல் நவம்பர் 15 ஆம் தேதி முதல் தரிசனத்திற்கு வருபவர்களின் எண்ணிக்கை அதிகரித்து வருவதை இது குறிக்கிறது. எனவே, குறிப்பிட்ட நேரத்தில் பக்தர்கள் தரிசனம் செய்ய வந்தால், ஐயப்ப தரிசனம், சிரமம், நெரிசல் இன்றி, சுமுகமாக நடைபெறும் என, கேரள மாநில காவல்துறை வலியுறுத்தியுள்ளனர். இதனால் கேரளா / பிற மாநிலங்களில் உள்ள பக்தர்கள் குறிப்பிட்ட அளவிற்கு முன்பதிவு நேரத்தைப் பின்பற்ற முடியும் என்று கேரள மாநில காவல்துறை மீண்டும் வலியுறுத்தியுள்ளது.

சபரிமலை பக்தர்கள் கீழ்க்கண்ட வழிமுறைகளை பின்பற்ற வேண்டுமாறு கேட் கொள்ளப்படுகிறார்கள்:

1 சபரிமலை ஏறும் போது 10 நிமிட நடைக்கு பிறகு 5 நிமிடம் ஓய்வெடுக்கலாம்.
2. மரக்கூட்டம், சாரம்குத்தி, நடைபந்தல் வழியாக சன்னிதானத்தை அடைய வழக்கமான நடைபாதையை பயன்படுத்தவும்.
3. பதினெட்டாம் படியை அடைய வரிசை முறையைப் பின்பற்றவும்.
4. தரிசனம் முடித்து திரும்பும்போது நடபந்தல் மேம்பாலத்தைப் பயன்படுத்தவும்.
5. சன்னிதானம் செல்லும் வழியில் வனதுறைக்கு சோந்தமான நிலத்தில் கழிப்பறை வசதி செய்யப்பட்டுள்ளது.
6. பம்பையிலிருந்து சன்னிதானத்திற்குச் செல்லும் போது கூட்டத்தின் அளவைக் கண்டு அதற்கேற்ப செல்லலாம்.
7. டோலியைப் பயன்படுத்துபவர்கள், தேவஸ்தான அலுவலகத்தில் மட்டும் பணம் செலுத்தி ரசீதை வைத்துக் கொள்ளவும்.
8. பாதுகாப்பு சோதனைச் சாவடிகளில் பாதுகாப்புச் சோதனைக்கு ஒத்துழைக்க வேண்டும்.
9. இலவச உதவி எண் 14432 -யை பயன்படுத்தி எந்தவித உதவிக்கும் Tamil Nadu போலீஸ் காவல்துறையை அணுகலாம்.
10. சந்தேகத்திற்கிடமான நபர்கள் இருந்தால் காவல்துறைக்கு தகவல் தெரிவிக்கவும்.
11. உரிமம் பெற்ற விற்பனை நிலையங்களில் மட்டுமே உணவு பொருட்களை வாங்கவும்.
12. பம்பை, சன்னிதானம் மற்றும் மலையேற்றப் பாதைகளை சுத்தமாக வைத்திருக்க உதவுங்கள்.
13. ஒதுக்கப்பட்ட வாகன நிறுத்தங்களில் மட்டுமே வாகனங்களை நிறுத்தவும்.
14. குப்பை தொட்டிகளில் மட்டுமே குப்பைகளை போடவும்.
15. பயண பாதையில் தேவைப்பட்டால், மருத்துவ மையங்கள் மற்றும் ஆக்ஸிஜன் பார்லர்களின் வசதிகளைப் பெற்றுக்கொள்ளலாம்.
16. குழந்தைகள் மற்றும் வயது முதிர் பெண்கள் ஒவ்வொருவரும் முகவரி/ரிஸ்ட் பேண்ட்/ஆர்ம் பேண்ட் கொண்ட அடையாள அட்டைகள் அணிந்திருக்க வேண்டும்.
17. குழுக்கள் நண்பர்களிடமிருந்து தனிமைப்படுத்தப்பட்டால் பக்தர்கள் காவல் உதவி மையங்களில் உதவி பெறலாம்.

செய்ய கூடாதவை:

1 சொப்பனத்தை புகைப்படம் எடுக்க மொபைல் போன்களை பயன்படுத்த வேண்டாம்.
2. பம்பை, சன்னிதானம் மற்றும் வழியில் புகை பிடிக்க வேண்டாம்.
3. மது அல்லது போதைப்பொருள் உட்கொள்ள வேண்டாம்.
4. வரிசையில் முன் செல்ல தாவிக்குதிக்க வேண்டாம்.
5. வரிசையில் இருக்கும்போது அவசரப்பட வேண்டாம்.
6 ஆயுதங்கள் அல்லது வெடிபொருட்களை எடுத்துச் செல்ல வேண்டாம்.
7. அங்கீகரிக்கப்படாத விற்பனையாளர்களை ஊக்கப்படுத்த வேண்டாம்.
&. எந்த சேவைக்கும் கூடுதல் கட்டணம் செலுத்த வேண்டாம்.
9. இலவச உதவி எண்- 14432 யை பயன்படுத்தி எந்தவித உதவிக்கும் காவல்துறையை அணுக தயங்க வேண்டாம்.
10. குப்பைத் தொட்டிகளைத் தவிர வேறு எங்கும் குப்பைகளை வீச வேண்டாம். 11. பதினெட்டாம் படியில் தேங்காய் உடைக்க வேண்டாம்.
12. பதினெட்டாம் படியின் இருபுறமும் ஒதுக்கப்பட்ட இடங்களைத் தவிர வேறு எங்கும் தேங்காய் உடைக்க வேண்டாம்.
13. பதினெட்டாம் படியில் ஏறும் போது படிகளில் மண்டியிட வேண்டாம்.
14. தரிசனம் முடித்து திரும்புபோது நடைபந்தல் மேம் பாலத்தைத் தவிர வேறு எந்தப் பாதையையும் பயன்படுத்த வேண்டாம்.
15. மேல் திருமுட்டம் அல்லது தந்திரிநாடிற்கு அருகில் உள்ள இடங்களில் ஓய்வெடுக்க வேண்டாம்.
16. நடைபந்தல் மற்றும் கீழ் திருமுட்டம் ஆகியவற்றில் தரை விரிப்புகளுக்கு(பாய் விரிப்புகளுக்கு) நடை பாதைகளைப் பயன்படுத்த வேண்டாம்.
17. மலை ஏறும் போது முகமூடி அணிவது பரிந்துரைக்கப்படவில்லை.