தமிழகத்தில் முதலமைச்சர் விஜய் தலைமையிலான தமிழக வெற்றிக் கழக அரசு கடந்த 10-ந்தேதி பொறுப்பேற்றதையடுத்து, மாநிலம் முழுவதும் போதைப்பொருள் ஒழிப்பு நடவடிக்கைகள் தீவிரப்படுத்தப்பட்டுள்ளதாக தெரிவிக்கப்பட்டுள்ளது.

குறிப்பாக இளைஞர்களை போதைப்பொருள் பழக்கத்திலிருந்து பாதுகாக்கும் நோக்கில், முதல்-அமைச்சர் விஜய் தலைமையில் சிறப்பு போதைப்பொருள் தடுப்பு பிரிவு அமைக்கப்பட்டுள்ளதாக தெரிவிக்கப்பட்டுள்ளது.

இதனைத் தொடர்ந்து மாநிலம் முழுவதும் போதைப்பொருள் தடுப்பு பிரிவு காவலர்கள் பல்வேறு இடங்களில் தீவிர கண்காணிப்பு மற்றும் அதிரடி சோதனைகளில் ஈடுபட்டு வருகின்றனர்.

இந்நிலையில், சென்னை அடுத்த ஆவடி அருகேயுள்ள அயப்பாக்கம் பகுதியில் உள்ள ஒரு வீட்டில் பெருமளவில் கஞ்சா பதுக்கி வைக்கப்பட்டிருப்பதாக போதைப்பொருள் தடுப்பு பிரிவு காவலர்களுக்கு ரகசிய தகவல் கிடைத்ததாக தெரிவிக்கப்பட்டுள்ளது.

இதையடுத்து இன்று அந்த வீட்டில் திடீர் சோதனை மேற்கொண்ட காவலர்கள், அங்கு பதுக்கி வைக்கப்பட்டிருந்த சுமார் 100 கிலோ கஞ்சாவை பறிமுதல் செய்ததாக தெரிவிக்கப்பட்டுள்ளது.

மேலும், இந்த கஞ்சா ஆந்திர மாநிலத்திலிருந்து கடத்தி வரப்பட்டு அந்த வீட்டில் மறைத்து வைக்கப்பட்டிருந்தது விசாரணையில் தெரியவந்ததாக தெரிவிக்கப்பட்டுள்ளது. இதனைத் தொடர்ந்து சம்பவம் தொடர்பாக 3 பேரை காவலர்கள் கைது செய்து தீவிர விசாரணை மேற்கொண்டு வருகின்றனர்.