ஆன்லைன் டிரேடிங் பெயரில் மோசடி: 3 பேர் கைது!
Online Trading Scam in Chennai Three Arrested by Police
சென்னையை அடுத்த திருவேற்காட்டில் ஆன்லைன் டிரேடிங் மூலம் அதிக லாபம் ஈட்டியதாகக் கூறி, இளைஞர்களை ஏமாற்றும் மோசடி அரங்கேறியுள்ளது. சமூக வலைதளங்களில் வெளியாகும் கவர்ச்சிகரமான விளம்பரங்களை நம்பி யாரும் பணம் முதலீடு செய்ய வேண்டாம் என்று காவல்துறை தரப்பில் தீவிர எச்சரிக்கை விடுக்கப்பட்டுள்ளது.
கைது நடவடிக்கை மற்றும் பின்னணி விவரங்கள்
பயிற்சி முகாம் பெயரில் வசூல்: ஆன்லைன் டிரேடிங் பயிற்சி அளிப்பதாகக் கூறி சுமார் 40 பேரிடம் தலா ரூ. 40,000 வசூலிக்கப்பட்டு, அவர்கள் சென்னைக்கு வரவழைக்கப்பட்டுள்ளனர்.
போலீசார் அதிரடி கைது: இது தொடர்பான காணொளி இணையத்தில் வைரலாக பரவியதை அடுத்து, ஆவடி சைபர் கிரைம் போலீசார் தீவிர விசாரணை நடத்தி 3 பேரை கைது செய்துள்ளனர்.
கைது செய்யப்பட்டவர்கள்: திருவேற்காட்டைச் சேர்ந்த கவின், கீர்த்திவாசன் மற்றும் பார்த்திபன் ஆகிய மூவரும் tradingcrew_ என்ற இன்ஸ்டாகிராம் ஐடி மூலம் டிரேடிங் செய்து லட்சக்கணக்கில் லாபம் ஈட்டியதாகக் கூறி இளைஞர்களை ஏமாற்றியுள்ளனர்.
பயன்படுத்தப்பட்ட தளங்கள்: Markets மற்றும் MetaTrader 5 போன்ற டிரேடிங் தளங்களில் சுமார் 40 நபர்களை முதலீடு செய்யத் தூண்டிய இந்த மோசடி நபர்கள் கைது செய்யப்பட்டுச் சிறையில் அடைக்கப்பட்டுள்ளனர்.
English Summary
Online Trading Scam in Chennai Three Arrested by Police