அதிமுக பொதுச் செயலாளரும், எதிர்க்கட்சித் தலைவருமான எடப்பாடி கே. பழனிசாமி, “மக்களைக் காப்போம்; தமிழகத்தை மீட்போம்” என்ற தலைப்பில் தமிழகம் முழுவதும் மேற்கொண்டு வரும் சுற்றுப்பயணத்தின் ஒரு பகுதியாக குன்னம் சட்டமன்ற தொகுதியில் நடைபெற்ற பொதுக்கூட்டத்தில் கலந்து கொண்டு மக்கள் மத்தியில் உரையாற்றினார்.

அப்போது அவர் கூறியதாவது:“2021 சட்டமன்றத் தேர்தலில், அதிமுக தேர்தல் அறிக்கையில் தெளிவாகக் கூறப்பட்டது – குடும்ப அட்டைக்காரர்களுக்கு மாதம் ரூ.1,500 வழங்கப்படும் என்று. ஆனால் தேர்தலில் வாக்கு கேட்கும்போது, திமுகவினர் பொய்யான வாக்குறுதிகளை மக்களிடம் அழுத்தமாகக் கூறி கவர்ச்சி செய்து ஆட்சியை கைப்பற்றினர். இன்று அவர்கள் கொடுத்த வாக்குறுதிகளில் விசிறி போல 10% தான் நிறைவேற்றியிருக்கிறார்கள்.”

100 நாள் வேலை திட்டம் குறைந்து 50 நாள்!“திமுக அரசு 100 நாள் வேலை திட்டத்தை 150 நாட்களாக உயர்த்துவதாக கூறியிருந்தது. ஆனால் இப்போது மக்கள் 50 நாட்களுக்குத்தான் வேலை பெற்று வருகின்றனர். அதிலும் ஊழியர்களுக்கான சம்பளங்கள் மாதக்கட்டாக நிலுவையாக உள்ளன. தங்களை மத்திய அரசை பழிச்செய்யும் நோக்கத்தில், திட்டக்கணக்குகளை கூட முறையாக சமர்ப்பிக்கவில்லை.”

மத்திய அமைச்சரிடம் நேரடி நடவடிக்கை எடுத்தேன்: பழனிசாமி“மத்திய அமைச்சரிடம் நான் நேரில் சென்று பேசிய போது, ‘தமிழக அரசு என்னிடம் சரியான கணக்குகள் கொடுக்கவே இல்லை. கொடுக்கப்பட்டவை அனைத்தும் பொய்யானவை’ என்று அவர் கூறினார். ஆனால் நான் மக்களின் கஷ்டங்களை எடுத்துச் சொன்னதும் – முதல் கட்டமாக ரூ.2,999 கோடி வெளியிடப்பட்டன.”

“மிகப்பெரிய மோசடி; மத்திய நிதி தடை ஏற்பட்டது”“100 நாள் வேலைத் திட்டத்தில் மிகப்பெரிய ஊழல் நடைபெற்றிருக்கிறது. கணக்கெடுப்பில் முறைகேடு, அரசியல் வசதி, ஏழைகளுக்கு உரிய பணத்தை தடுக்க திமுக அரசாங்கம் காரணமாக இருக்கிறது. இந்த அரசின் இயலாமை மற்றும் சுயநலமே, மத்திய நிதி உரிய நேரத்தில் வராமல் செய்தது. திமுக அரசு ஏழைகள் வயிற்றில் அடிக்கின்ற கட்சி.”

பொதுக்கூட்டத்தில் உற்சாகம்

எடப்பாடி பழனிசாமியின் பேச்சு முழுக்க, பொதுமக்களிடையே உருக்கமான வரவேற்பும், கைதட்டல்களும் காணப்பட்டது. திமுக ஆட்சியின் மோசடிகள், வாக்குறுதி மீறல்கள், மற்றும் விவசாயிகளின் நிலை குறித்து அவர் தொடர்ந்து கடுமையான விமர்சனங்களை மேற்கொண்டார்.