ஆஸ்திரேலியாவுக்கு எதிரான வரவிருக்கும் U-19 தொடருக்கான 15 பேர் கொண்ட இந்திய அணி அறிவிக்கப்பட்டுள்ளது. ஆனால், இந்த பட்டியலில், இளம் புயல் வைபவ் சூர்யவன்ஷியின் பெயர் இடம்பெறவில்லை. இது பலருக்கு ஏமாற்றத்தை தந்துள்ளது. 

ஆனால், வைபவ் சூரியவன்ஷி இந்திய U-19 அணியில் சேர்க்கப்படாததற்கான முக்கியக் காரணம் உள்ளது. அதாவது, இந்தியக் கிரிக்கெட் கட்டுப்பாட்டு வாரியத்தின் (BCCI) ஒரு குறிப்பிட்ட விதியாகும். 15 வயதே ஆன இளம் வீராங்கனையான வைபவ் சூரியவன்ஷி, ஏற்கனவே, சர்வதேச போட்டிகளில் கவனம் ஈர்த்து, மூத்த அணியின் T20I போட்டிகளிலும் அறிமுகமாகியுள்ளார்.

அதன்படி, பிசிசிஐ 2016-ஆம் ஆண்டில் அறிமுகப்படுத்திய விதியின்படி, ஒரு கிரிக்கெட் வீரர் தனது வயது தகுதியாக இருந்தாலும் கூட, ஒன்றுக்கும் மேற்பட்ட U-19 உலகக்கோப்பை தொடர்களில் பங்கேற்க முடியாது. சூரியவன்ஷி ஏற்கனவே 2026-ஆம் ஆண்டு நடைபெற்ற U-19 உலகக்கோப்பையில் விளையாடியுள்ளார்.

இதன் காரணமாக, பிசிசிஐ-யின் இந்த விதியின் கீழ் அவர் மீண்டும் U-19 உலகக்கோப்பையில் பங்கேற்க முடியாது. அத்துடன், எதிர்கால U-19 உலகக்கோப்பைத் திட்டங்களைக் கருத்தில் கொண்டு பிசிசிஐ இளம் வீரர்களைத் தயார்படுத்தி வருவதால், சூரியவன்ஷி U-19 அணியின் தேர்வில் இருந்து விடுவிக்கப்பட்டுள்ளார். இதற்கு முன்னரும் இதே விதியின் காரணமாக வாஷிங்டன் சுந்தர் 2018 U-19 உலகக்கோப்பையில் விளையாடும் வாய்ப்பை இழந்தார்.

ஆஸ்திரேலியாவுக்கு எதிரான இந்தத் தொடரில் மூன்று 50-ஓவர் போட்டிகள் மற்றும் இரண்டு டெஸ்ட் போட்டிகள் நடைபெறவுள்ளன. செப்டம்பர் 18, 21 மற்றும் 23 ஆகிய தேதிகளில் ராஜ்கோட்டில் ஒருநாள் போட்டிகளும், செப்டம்பர் 27 முதல் அக்டோபர் 08 வரை ராஜ்கோட் மற்றும் அகமதாபாத்தில் பல நாள் போட்டிகளும் நடக்கவுள்ளன.

50-ஓவர் போட்டிகளுக்கான அணிக்கு உத்தரகாண்ட் பேட்டர் லக்ஷ்யா ராய்ச்சந்தானியும், பல நாள் போட்டிகளுக்கான அணிக்கு மத்தியப் பிரதேசத்தின் யாஷ்பர்தன் சௌஹானும் கேப்டன்களாக நியமிக்கப்பட்டுள்ளனர்.

இந்த அணியில் இந்தியக் கிரிக்கெட் நட்சத்திரங்களான வீரேந்தர் சேவாக்கின் மகன் ஆர்யவீர் சேவாக் மற்றும் ராகுல் திராவிடின் மகன் அன்வய் திராவிட் ஆகியோர் 50-ஓவர் போட்டிகளுக்கான அணியில் இடம்பெற்றுள்ளனர். இருப்பினும், இவர்கள் இருவரும் டெஸ்ட் அணியில் சேர்க்கப்படவில்லை.