இந்தியா - ஆஸ்திரேலியா அணிகளுக்கு இடையேயான முதல் டெஸ்ட் போட்டி இன்று தொடங்குகிறது.

நியூசிலாந்து அணியுடனான தொடரைத் தொடர்ந்து இந்திய அணி ஆஸ்திரேலிய அணியுடன் விளையாட உள்ளது. அதன்படி, இந்தியாவுக்கு சுற்றுப்பயணம் மேற்கொண்டுள்ள ஆஸ்திரேலிய அணி 4 டெஸ்ட் போட்டிகள் மற்றும் 3 ஒரு நாள் போட்டிகள் கொண்ட தொடரில் விளையாட உள்ளது.

இதில், இந்தியா - ஆஸ்திரேலியா அணிகளுக்கு இடையேயான முதல் டெஸ்ட் போட்டி இன்று ( பிப்ரவரி 9 - 13) நாக்பூரில் தொடங்க உள்ளது.

டெஸ்ட் கிரிக்கெட் போட்டியில் ஆஸ்திரேலியா முதலிடத்திலும், இந்தியா 2வது இடத்திலும் உள்ளது. அதன்படி முதல் 2 இடங்களில் உள்ள அணிகள் மோதுவதால் இந்த தொடர் விறுவிறுப்பாக அமையும் என ரசிகர்களால் எதிர்பார்க்கப்படுகிறது.

இதுவரை நேருக்கு நேர்

இதுவரை இந்தியா -ஆஸ்திரேலியா அணிகளும் இதுவரை 102 டெஸ்ட் போட்டிகளில் விளையாடியுள்ளன. இதில், 43 போட்டிகளில் ஆஸ்திரேலியா அணியும், 30 போட்டிகளில் இந்திய அணியும் வெற்றி பெற்றுள்ளது. 28 போட்டிகள் டிராவில் முடிந்துள்ளது. ஒரே ஒரு போட்டி முடிவில்லை.

டெஸ்ட் தொடருக்கான அணி விவரம்:

இந்திய அணி 11 வீரர்கள் :

ரோஹித் சர்மா(கே), ஷுப்மன் கில், சேதேஷ்வர் புஜாரா, விராட் கோலி, கேஎல் ராகுல், ஸ்ரீகர் பாரத்(வி.கீ), ரவீந்திர ஜடேஜா, ரவிச்சந்திரன் அஷ்வின், அக்சர் படேல், முகமது ஷமி, முகமது சிராஜ், இஷான் கிஷன், ஷ்ரேயாஸ் ஐயர், குல்தீப் யாதவ்  , சூர்யகுமார் யாதவ், ஜெய்தேவ் உனட்கட், உமேஷ் யாதவ்.

ஆஸ்திரேலியா அணி 11 வீரர்கள் :

டேவிட் வார்னர், உஸ்மான் கவாஜா, மார்னஸ் லாபுஷாக்னே, ஸ்டீவன் ஸ்மித், டிராவிஸ் ஹெட், அலெக்ஸ் கேரி(w), பாட் கம்மின்ஸ்(c), நாதன் லியான், ஸ்காட் போலண்ட், டோட் மர்பி, மிட்செல் ஸ்வெப்சன், பீட்டர் ஹேண்ட்ஸ்கோம்ப், ஆஷ்டன் அகர், மிட்செல் ஸ்டார்க் , மாட் ரென்ஷா, கேமரூன் கிரீன், லான்ஸ் மோரிஸ்.