இலங்கை கிரிக்​கெட் வாரியத்​தின் தலை​வராக கடந்த 2019-ஆம் ஆண்டு ஷம்மி சில்​வா தேர்வுசெய்யப்பட்டதற்கு பிறகு, தொடர்ந்து 2021, 2023, 2025 என அடுத்தடுத்த ஆண்​டு​களிலும் போட்​டி​யின்றி தலை​வ​ராக தேர்​வா​னார்.

இலங்கை அணியின் தொடர் தோல்விகளுக்கு பின்னர், இலங்கை கிரிக்கெட்டின் கட்டமைப்பில் சீர்திருத்தங்களைக் கொண்டுவரும் நோக்கத்தில், இலங்கை அரசாங்கம் இஅந்நாட்டின் கிரிக்கெட் வாரியத்தை தற்காலிகமாகத் தன் கட்டுப்பாட்டுக்குள் கொண்டு வந்துள்ளது.

ஷம்மி சில்​வா தலைமையின் கீழ் ஆசிய கோப்பைகளை இலங்கை ஆடவர் மற்றும் மகளிர் அணி வென்றுள்ளனர். ஆனால், ஐசிசி தொடர்களில் மிக மோசமாக செயல்பட்டது. அதைத்தொடர்ந்து தரவரிசை பட்டியலிலும் இலங்கை அணி பெரிய சரிவை கண்டுள்ளது. 

இந்நிலையில் வீரர்​களிட​மிருந்து வந்த புகார்​கள் மற்​றும் சர்வ​தேச அரங்​கில் இலங்கை அணி​யின் மோச​மான செயல்​பாடு​களைத் தொடர்ந்​து, நிர்வாகத்தில் மாற்றம் வேண்டும், சில்​வாவை பதவியி​லிருந்து நீக்​கவேண்டும் என்ற எதிர்ப்புகள் அதிகமாக வந்தன. 

Sri Lanka Cricket (SLC) President Shammi Silva has resigned from his position, effective today (April 29). SLC says other office bearers and members of the Executive Committee have also submitted their resignations. pic.twitter.com/Jp4XJdzDii

— Sri Lanka Tweet 🇱🇰 (@SriLankaTweet) April 29, 2026

இந்த எதிர்ப்புகளை தொடர்ந்து, இலங்கை ஜனாதிபதி அனுர குமார திசாநாயக்கவை ஷம்மி சில்​வா சந்தித்து பேசியுள்ளார். இதனையடுத்து, தேசிய கிரிக்கெட் அமைப்பில் சிறந்த மாற்றம் தேவை என வலியுறுத்தியதால் இலங்கை வாரிய தலைவர் ஷம்மி சில்வா உட்பட அனைத்து உறுப்பினர்களும் ஒட்டுமொத்தமாக ராஜினாமா செய்துள்ளனர். இது இலங்கை கிரிக்கெட்டின் கட்டமைப்பு மறுசீரமைப்பு செய்வதற்கான நடவடிக்கையாக பார்க்கப்படுகிறது.

அநுரவின் அரசாங்கத்தின் தலையீட்டைத் தொடர்ந்து, இலங்கை கிரிக்கெட் வாரியம் முழுமையாக கலைக்கப்பட்டுள்ளது. இதை தொடர்ந்து இடைக்கால நிர்வாக குழு விரைவில் உருவாக்கப்படும் என தெரிவிக்கப்பட்டுள்ளது. தற்போது இந்தப்பொறுப்பு விளையாட்டுத் துறை அமைச்சர் சுனில் குமார கமகே வசம் வந்துள்ளது.