சென்னையில் பெய்த கனமழையின் காரணமாக. பல்வேறு குடியிருப்பு பகுதிகளில் வெள்ள நீர் புகுந்துள்ளது. இதனால் மக்கள் அவதிப்பட்டு வருகின்றனர். இதனிடையே நேற்று காலையில் விடுதலை சிறுத்தைகள் கட்சித் தலைவர் திருமாவளவன் குறித்த வீடியோ ஒன்று சமூக வலைதளங்களில் பரவி சர்ச்சையை ஏற்படுத்தியுள்ளது. 

வேளச்சேரியில் உள்ள விடுதலை சிறுத்தைகள் கட்சியின் தலைவர் திருமாவளவன் வீட்டுக்குள் மழைநீர் தேங்கியது. இதையடுத்து, வெளியே செல்ல கிளம்பிய திருமாவளவன், மழை நீரில் கால் நினைக்காமல் இருக்க அங்கு அமர்ந்திருந்தவர்கள் ஒரு ஏற்பாட்டை செய்தனர். அதன்படி பார்வையாளர்கள் அமரும் இரும்பு சேர்களை ஒன்று ஒன்றாக அடுக்கி அவருக்கு பாதை அமைத்து கொடுத்தனர். அந்த சேரின் மீது சிறிது தூரம் நடந்த பின்பு, அந்த சேரின் மீது திருமாவளவன் நின்றார். அங்கிருந்தவர்கள் வெள்ளத்தில் இறங்கி சேரை இழுத்து வந்து வாசல் வரை விட்டனர். பின்பு காரில் கதவைத்திறந்து வெள்ள நீரில் கால் படாமல் சேரில் இருந்து நேரடியாக காருக்குள் ஏறி அமர்ந்து கிளம்பினார். 

என்ன @thirumaofficial சார்? கூட இருக்குறவங்கள இப்படி தான் நடத்துவீங்களா?

சமூக நீதி, சமத்துவம்னு கம்பு சுத்துறதெல்லாம் சும்மா தானா? மழை தண்ணில கால் வச்சு உங்களால நடக்க முடியாம பூர்வ குடி மக்களை அதிகாரம் பண்ணலாமா.

அடங்கமறு!
அத்துமீறு!

இதுக்கெல்லாம் அர்த்தம் இதுதானா?🤔 pic.twitter.com/mzkfKAQXVK

— Vinoj P Selvam (@VinojBJP) November 29, 2021

இந்த வீடியோ தற்போது சமூக வலைத்தளங்களில் பரவி வருகிறது. இதனிடையே முதலமைச்சர் அமைச்சர்கள் வெள்ளத்தில் இறங்கி ,பார்வையிடும் நிலையில் வெள்ளத்தில் கால் வைக்காமல் திருமாவளவன் செய்த செயலுக்கு எதிராக விமர்சனங்கள் வந்த வண்ணம் உள்ளது.

#திருமாவளவன்
மழை நீரில் சில அடிகள் நடந்து காரில் ஏற இந்த சீன்!!
அவர் கால்கள் தரையில் படாமல் நடக்க, சக மனிதர்கள் அடிமைகள் போல்.. இது #சமூக_நீதி ?

இதை அவருடன் உள்ளோர் மீதான அவரின் ஆதிக்க உணர்வு என சொல்லலாமா அல்லது அல்ப்பம், அலப்பறைன்னு புரிந்து கொள்ளலாமா...? #Thirumavalavan pic.twitter.com/E8Vgeu4efJ

— Anu Chandramouli (@anumma2002) November 29, 2021