மக்களவையில் பட்ஜெட் மீதான விவாதத்தில் பங்கேற்ற எதிர்க்கட்சித் தலைவர் ராகுல் காந்தி, இந்திய - அமெரிக்க வர்த்தக ஒப்பந்தம் மற்றும் மத்திய அரசின் வெளியுறவுக் கொள்கையை மிகக் கடுமையாகச் சாடியுள்ளார்.

அதில் "போர் சகாப்தம் முடிந்துவிட்டது" என்ற பிரதமரின் கூற்றை மறுத்த ராகுல், உக்ரைன், காசா மற்றும் ஈரானில் நிலவும் போர் அச்சுறுத்தல்களைச் சுட்டிக்காட்டினார்.

தரவுப் புரட்சி: அமெரிக்கா தனது வல்லரசுத் தன்மையைத் தக்கவைக்க இந்தியத் தரவுகள் (Data) தான் மிக முக்கியமான சொத்து எனத் தெளிவுபடுத்தினார்.

மக்கள் தொகையே பலம்: மக்கள் தொகையைச் சுமையாகப் பார்க்காமல், அதை நாட்டின் மிகப்பெரிய சொத்தாகவும் பலமாகவும் மாற்ற வேண்டும் என வலியுறுத்தினார்.

அமெரிக்காவிற்கு நேரடி எச்சரிக்கை:
"நாங்கள் டிரம்பிடம் பேச்சுவார்த்தை நடத்தினால், எங்களை ஊழியர்களைப் போல் நடத்தாதீர்கள், சமமாகப் பேசுங்கள் என்றுதான் கூறுவோம். உங்கள் விவசாயிகளை நீங்கள் பாதுகாப்பது போல, நாங்கள் எங்கள் விவசாயிகளைப் பாதுகாப்போம்".

எப்ஸ்டீன் கோப்புகளும் 'பயமும்':
நேரடிக் குற்றச்சாட்டு: பிரதமர் மோடி பாரத மாதாவை அமெரிக்காவிடம் விற்றுவிட்டார் என்றும், அவரின் கண்களில் பயம் தெரிகிறது என்றும் ராகுல் சாடினார்.

மறைக்கப்பட்ட பெயர்கள்: அனில் அம்பானியின் பெயர் எப்ஸ்டீன் கோப்புகளில் (Epstein files) இருப்பதால்தான் அவர் இன்னும் சிறையில் இல்லை என்றும், அவரை எப்ஸ்டீனுக்கு அறிமுகப்படுத்தியதில் ஹர்தீப் புரிக்குத் தொடர்பு இருப்பதாகவும் அவர் பகிரங்கமாகக் குற்றம் சாட்டினார்.

நாட்டின் எரிசக்தி பாதுகாப்பு மற்றும் விவசாயிகளின் வாழ்வாதாரத்தை அடகு வைத்து இந்த ஒப்பந்தம் செய்யப்பட்டுள்ளதாக அவர் தனது உரையில் குறிப்பிட்டார்.