இலங்கையை கொத்தாக புரட்டிய டிட்வா புயல் அந்நாட்டில் இருந்து வாடா தமிழகத்தை நோக்கி மறந்து வந்துகொண்டுள்ளது. குறித்த டிட்வா புயல் காரணமாக நமது அண்டைய தீவு நாடான இலங்கையில் இதுவரை 159-கும் மேற்பட்டோர் உயிரிழந்துள்ளனர். 203 வரை காணாமல் போயுள்ளனர்.

இந்நிலையில், டிட்வா புயல் காரணமாக, ஏற்படும் மழை மற்றும் இயற்கை அனர்த்ததினால் பாதிக்கப்படும் பொதுமக்களுக்கு உதவிகளை மேற்கொள்ள தயாராக இருக்கவேண்டும் என அதிமுக நிர்வாகிகளுக்கு அக்கட்சியின் பொதுச்செயலாளர் மற்றும் தமிழக சட்டமன்ற எதிர்கட்சி தலைவர் எடப்பாடி பழனிச்சாமி வலியுறுத்திள்ளார். இது குறித்து அவர் வெளியிட்டுள்ள  அறிக்கையில் கூறியுள்ளதாவது:

'டிட்வா' புயலின் காரணமாக சென்னை, கடலோர மாவட்டங்கள் மற்றும் டெல்டா மாவட்டங்களில் கன மழை பெய்து வரும் நிலையில், பொதுமக்கள் அனைவரும் வானிலை ஆய்வு மையத்தின் அறிவிப்புகளுக்கு ஏற்றவாறு உரிய நெறிமுறைகளைப் பின்பற்றி, பாதுகாப்புடன் இருக்குமாறு கேட்டுக்கொள்கிறேன்.

புயலின் தீவிரம் உணர்ந்து, அதற்குரிய முன்னெச்சரிக்கை நடவடிக்கைகள் போர்க்கால அடிப்படையில் மேற்கொள்ளப்பட்டிருப்பதை உறுதி செய்யுமாறு திமுக அரசை வலியுறுத்துகிறேன்.

பொதுமக்களுக்கு தேவையான உதவிகளை மேற்கொள்ள களத்தில் தயாராக இருக்குமாறு அதிமுகவினரை கேட்டுக்கொள்கிறேன்.'' என்று  அறிக்கையில் கூறியுள்ளார்.