தமிழகத்தின் மாநிலங்களவைக்கு நடைபெற்ற இடைத்தேர்தலில் தவெக கூட்டணியில் காங்கிரஸ் கட்சியை சேர்ந்த பிரவீன் சக்கரவர்த்தி போட்டியின்றி தேர்ந்தெடுக்கப்பட்டுள்ளதாக அதிகாரப்பூர்வமாக அறிவிக்கப்பட்டுள்ளது.

இது குறித்து சட்டப்பேரவைச் செயலகம் வெளியிட்ட செய்திக் குறிப்பில் தெரிவிக்கப்பட்டுள்ளதாவது;

''தமிழ்நாட்டிலிருந்து மாநிலங்களவைக்குத் தேர்ந்தெடுக்கப்பட்ட உறுப்பினர் சி.வி.சண்முகம் 07.05.2026 அன்று தனது உறுப்பினர் பதவியை ராஜினாமா செய்ததால் ஏற்பட்ட வெற்றிடத்திற்கு, தமிழ்நாடு சட்டப்பேரவையின் தேர்ந்தெடுக்கப்பட்ட உறுப்பினர்களை வாக்காளர்களாகக் கொண்டு ஜூன், 2026-இல் நடைபெற்ற இடைத் தேர்தலில் இந்திய தேசிய காங்கிரஸ் கட்சியை சார்ந்த பிரவீன் சக்கரவர்த்தி முறையாக தேர்ந்தெடுக்கப்பட்டுள்ளார்'' என தெரிவிக்கப்பட்டுள்ளது.

Congress candidate Praveen Chakravarthy has been elected unopposed to the Rajya Sabha from Tamil Nadu: Tamil Nadu Legislative Assembly Secretariat pic.twitter.com/dudpLrLFPe

— IANS (@ians_india) June 11, 2026

தமிழக சட்டப்பேரவைத் தேர்தலில் அதிமுக முன்னாள் அமைச்சர் சி.வி.சண்முகம், மயிலம் தொகுதியில் போட்டியிட்டு வெற்றி பெற்றார். இதன் காரணமாக ஏற்கெனவே தான் வகித்து வந்த மாநிலங்களவை எம்.பி. பதவியை ராஜினாமா செய்தார். இதனால், தமிழகத்தில் அந்த ஒரு இடத்துக்கான இடைத்தேர்தல் வரும் ஜூன் 18-ஆம் தேதி நடைபெறும் என அறிவிக்கப்பட்டுள்ளது.

தமிழகத்தில் பிரதிநிதித்துவ அடிப்படையில் அதிக எம்எல்ஏக்களைக் கொண்ட தவெகவுக்கு மாநிலங்களவை எம்.பி. பதவி ஒதுக்கப்பட வாய்ப்பு இருந்த நிலையில்,  கூட்டணிக் கட்சியான காங்கிரஸுக்கு மாநிலங்களவை எம்.பி. இடத்தை ஒதுக்குவதாக தவெக தலைவரும், முதல்வருமான விஜய் அறிவித்தார். இதையடுத்து, மாநிலங்களவைத் தேர்தலில் வேட்பாளராக பிரவீன் சக்கரவர்த்தியை காங்கிரஸ் அறிவித்தது.