தலைமுடி தொடர்பான பொதுவான பிரச்சனைகளில் ஒன்று பொடுகு.தலையில் பொடுகு அதிகமாக இருந்தால், முடி உதிர்தல், உச்சந்தலையில் அரிப்பு, முடி உலர்ச்சி போன்ற பிரச்சனைகள் உருவாகும்.ஆனால் நல்ல செய்தி என்னவென்றால் — உங்கள் கிச்சனிலேயே இந்தப் பிரச்சனைக்கு தீர்வு இருக்கிறது!கீழே உள்ள சில இயற்கையான ஹேர் மாஸ்குகள், பொடுகை முழுமையாக நீக்கி தலைமுடியை ஆரோக்கியமாக வைத்திருக்கும்.

தேங்காய் எண்ணெய் + எலுமிச்சை சாறு மாஸ்க்

தேவையானவை:

சூடான தேங்காய் எண்ணெய் – 2 ஸ்பூன்

எலுமிச்சை சாறு – 1 ஸ்பூன்

முறை:இரண்டையும் கலந்து தலை உச்சியில் தடவவும்.10 நிமிடங்கள் மசாஜ் செய்த பின் 30 நிமிடங்கள் அப்படியே ஊற விடவும்.பின் மைல்டு ஷாம்பு போட்டு தலைக்கு குளிக்கவும்.

பலன்:எலுமிச்சை சாறு பொடுகை அழிக்க உதவும்; தேங்காய் எண்ணெய் தலைமுடிக்கு ஈரப்பதம் வழங்கும்.

கொத்தமல்லி இலை + விளக்கெண்ணெய் மாஸ்க்

தேவையானவை:

கொத்தமல்லி இலைகள் – ஒரு கைப்பிடி அளவு

விளக்கெண்ணெய் – 3 ஸ்பூன்

முறை:கொத்தமல்லியை மையாக அரைத்து அதில் எண்ணெயை சேர்த்து கலக்கவும்.அதை தலை உச்சியில் தடவி 15 நிமிடங்கள் அப்படியே விட்டு,பின் மைல்டு ஷாம்பு போட்டு குளிக்கவும்.

பலன்:இது உச்சந்தலையின் துளைகள் சுத்தமாகி, பொடுகை முற்றிலும் நீக்கும்.வாரத்திற்கு ஒரு முறை இதைச் செய்தால் சிறந்த பலன் கிடைக்கும்.

தயிர் + எலுமிச்சை மாஸ்க்

தேவையானவை:

தயிர் – அரை கப்

எலுமிச்சை சாறு – 1 ஸ்பூன்

முறை:இரண்டையும் சேர்த்து கலக்கி உச்சந்தலையில் தடவவும்.சில நேரம் அப்படியே விட்டு, குளிர்ந்த நீரில் லேசான ஷாம்பு போட்டு குளிக்கவும்.

பலன்:தயிர் உச்சந்தலையை சுத்தப்படுத்தி ஈரப்பதம் தரும்.எலுமிச்சை சாறு பொடுகு மற்றும் இறந்த செல்களை அகற்ற உதவும்.

வெந்தயம் + செம்பருத்தி + தயிர் மாஸ்க்

தேவையானவை:

வெந்தயம் – 1 ஸ்பூன் (இரவு முழுவதும் ஊற வைத்தது)

செம்பருத்தி இலைகள் – 10 முதல் 12

தயிர் – அரை கப்

முறை:இந்த மூன்றையும் சேர்த்து மிக்ஸியில் மையாக அரைத்து,அதை உச்சந்தலையில் தடவி 30 நிமிடங்கள் அப்படியே வைக்கவும்.பின் மைல்டு ஷாம்பு போட்டு குளிர்ந்த நீரில் குளிக்கவும்.

பலன்:வெந்தயம் பொடுகை தடுக்கிறது; செம்பருத்தி முடி வேர்களை பலப்படுத்தும்.இரண்டின் சேர்க்கை தலைமுடி வளர்ச்சிக்கும் உதவும்.

முட்டை + தயிர் + எலுமிச்சை + ஆலிவ் ஆயில் மாஸ்க்

தேவையானவை:

முட்டை – 1

தயிர் – 1 கப்

எலுமிச்சை சாறு – 1 ஸ்பூன்

ஆலிவ் ஆயில் – 2 ஸ்பூன்

முறை:இவை அனைத்தையும் நன்றாக கலக்கி, தலை உச்சியில் தடவவும்.20 நிமிடங்கள் விட்டு, மைல்டு ஷாம்பு கொண்டு குளிக்கவும்.

பலன்:முட்டை புரதம் முடியை பலப்படுத்தும்;ஆலிவ் ஆயில் மற்றும் தயிர் ஈரப்பதம் தரும்;எலுமிச்சை சாறு பொடுகை நீக்கும்.

விலையுயர்ந்த ஹேர் ட்ரீட்மெண்ட்கள் தேவையில்லை —இந்த இயற்கை ஹேர் மாஸ்குகளை வாரத்திற்கு ஒரு முறைப் பயன்படுத்தினால்,பொடுகு மட்டுமல்லாமல், மென்மையான, பிரகாசமான தலைமுடி கிடைக்கும்.