பொதுவாக “காபி உடலுக்கு கேடு” என்ற எண்ணமே அதிகம் பேசப்படும். ஆனால் உண்மையில், சரியான அளவில் குடிக்கும் பிளாக் காபி பல மறைமுக நன்மைகளை உடலுக்கு வழங்குகிறது.

இதில் நிறைந்துள்ள சக்திவாய்ந்த ஆன்டி-ஆக்ஸிடன்ட்கள் கல்லீரலை பாதுகாக்கும் கவசமாக செயல்பட்டு, நச்சுகளை வெளியேற்ற உதவுகின்றன. அதேபோல், எக்ஸ்ட்ரா வெர்ஜின் ஆலிவ் ஆயிலில் உள்ள வீக்கம் குறைக்கும் பண்புகள், கல்லீரலில் கொழுப்பு சேர்வதை கட்டுப்படுத்தி அதன் ஆரோக்கியத்தை மேம்படுத்துகின்றன.

மூளை நலனுடன் தொடர்புடைய அல்சைமர் நோய் நினைவாற்றல் மற்றும் சிந்தனைத் திறனை மெதுவாக சிதைத்து, சாதாரண செயல்களையும் சிரமமாக்கும் கடுமையான நிலை. ஆனால் தொடர்ந்து காபி குடிப்பது இந்த நோயின் அபாயத்தை குறைக்க உதவுகிறது.

Alzheimer’s Disease குறித்த ஆய்விதழில் வெளியான ஒரு ஆராய்ச்சி படி, தினமும் 2 முதல் 3 கப் காபி அருந்துவோருக்கு டிமென்ஷியா மற்றும் அல்சைமர் அபாயம் சுமார் 65% வரை குறையலாம் என தெரியவந்துள்ளது.

இதில் மட்டுமல்ல, கருப்பு காபி உடல் எடையைக் கட்டுப்படுத்தவும் துணைபுரிகிறது. Harvard T.H. Chan School of Public Health மேற்கொண்ட ஆய்வுகள், பிளாக் காபி உட்கொள்வதால் எடை குறைப்பில் நல்ல விளைவுகள் இருப்பதை சுட்டிக்காட்டுகின்றன.

இதில் உள்ள குளோரோஜெனிக் அமிலங்கள் உடலில் குளுக்கோஸ் உற்பத்தியை மெதுவாக்கி, புதிய கொழுப்பு செல்கள் உருவாகுவதைத் தடுத்து, எடை இழப்பை ஊக்குவிக்கின்றன.

மேலும், சர்க்கரை சேர்க்காமல் குடித்தால் கலோரி அளவும் மிகவும் குறைவாக இருக்கும். எனவே அளவோடு, அறிவோடு காபி அருந்தினால் அது உடலுக்கு கேடு அல்ல; பலன்களே அதிகம் தரும் ஒரு ஆரோக்கிய பானமாக மாறும்.