'லோக் பவன்' என்று பெயர் மாற்றம் பெற்றுள்ள ஆளுநர் மாளிகையான 'ராஜ்பவன்..!

மேற்குவங்க ஆளுநர் மாளிகையான ராஜ்பவன் ,லோக்பவன் ' (மக்களின் மாளிகை) என பெயர் மாற்றம் செய்யப்பட்டுள்ளது. மாநிலத்தின் வேறு பகுதிகளில் அமைந்துள்ள ஆளுநர் இல்லங்கள் அனைத்தும் 'லோக் நிவாஸ்' என்று பெயர் மாற்றம் செய்யப்பட்டுள்ளன.

ஆளுநர் மாளிகை பொதுமக்கள் அணுகக்கூடியதாகவும், மக்களின் ஆளுகைக்கு அடையாளமாகவும் மாற்றும் தேசிய அளவிலான முயற்சியின் ஒரு பகுதியாக இந்தப் பெயர் மாற்றம் அமைந்துள்ளதாக கூறப்படுகிறது.

கடந்த நவம்பர் 25, அன்று உள்துறை அமைச்சகத்தால் வெளியிடப்பட்ட அறிவிப்பின்படி இந்தப் பெயர் மாற்றம் செய்யப்பட்டுள்ளது. தொடர்ந்து இந்தியா முழுவதும் உள்ள ராஜ்பவன்கள் இனிவரும் காலங்களில் இருந்து 'லோக் பவன்' என்றும், ராஜ் நிவாஸ் என்பது 'லோக் நிவாஸ்' என்றும் ஒரே மாதிரியாகப் பெயர் மாற்றப்பட வேண்டும் என்று அந்த உத்தரவில் கூறப்பட்டிருந்தது.

அதாவது, 'விக்சித் பாரத்' (வளர்ச்சியடைந்த இந்தியா) என்ற நோக்கத்தின் கீழ், ஜனநாயக அமைப்புகளில் மக்களின் பங்கேற்பை வலியுறுத்துவதே இந்தப் பெயர் மாற்றத்தின் நோக்கம் என்று மத்திய அரசு வெளியிட்ட உத்தரவில் கூறப்பட்டுள்ளமை குறிப்பிடத்தக்கது.