ஹிந்தி சினிமாவில் பிரபல நடிகர் ரன்​வீர் சிங், சாரா அர்​ஜுன், மாதவன் உள்பட பலர் நடித்து வெற்​றி​பெற்ற படம், ‘துரந்​தர்’. இந்த படத்தை ஆதித்யா தார் இயக்​கி இருந்தார். படத்தின் 02-ஆம் பாகம், ‘துரந்​தர்: த ரிவெஞ்ச்’ என்ற பெயரில் கடந்த மார்ச் மாதம் வெளி​யானது. இந்​தி​யில் உரு​வான இந்த படம் தமிழ், தெலுங்​கு, மலை​யாளம், கன்னட மொழிகளி​லும் மொழி மாற்​றம் செய்​யப்​பட்டு வெளி இடப்பட்டது.

பாகம் ஒன்று, பாகம் இரண்டு படங்களுமே மிக பிரம்​மாண்ட வெற்றி பெற்றது. அதிலும், 02-ஆம் பாக​மான ‘துரந்​தர்: த ரிவெஞ்ச்’, இந்​தி​யா​வில் மட்​டும் நிகர வசூலாக ஆயிரம் கோடி ரூபாயைக் கடந்த முதல் பாலிவுட் படம் என்ற புதிய சாதனையை படைத்தது. துரந்தர் படத்தின் இரண்டு பாகங்​களும் இணைந்து உலகள​வில் ரூ.3,100 கோடிக்​கும் அதி​க​மாக வசூல் செய்​துள்​ளது.

திரையரங்குகளில் வெளியாகி வசூலை வேட்டை நடத்திய இந்த படம் ஓடிடி தளத்​தி​லும் நல்ல வரவேற்​பைப் பெற்​றது. நெட்​பிளிக்ஸ் வெளி​யிட்ட தரவு​களின்​படி, இந்த ஆண்​டின் ஜனவரி முதல் ஜூன் வரை, ‘துரந்​தர்’ படம் 3.7 கோடி பார்​வை​களைப் பெற்​றுள்​ளது. 

அத்துடன், நெட்​பிளிக்​ஸின் ஆங்​கிலம் அல்​லாத திரைப்​படங்​களுக்​கான பட்​டியலில், 22 நாடு​களில் இப்​படம் முதலிடத்​தைப் பிடித்து சாதனைப் படைத்​துள்​ளது. இதை அதன் இணை தலைமை நிர்​வாக அதி​காரி ரெட் சரண்​டோஸ் நிகழ்ச்சி ஒன்​றில் தெரி​வித்​துள்​ளார்.

மேலும், நெட்​பிளிக்​ஸில், இந்​தி​யத் திரைப்​படங்​கள் மற்​றும் வெப் தொடர்​களுக்​கான சர்​வ​தேச அளவி​லான வரவேற்பு தொடர்ந்து அதி​கரித்து வரு​வ​தாகக் சரண்​டோஸ் கூறியுள்ளார். 

அதன்படி, கடந்த 2024-ஆம் ஆண்டு முதல், ஒவ்​வொரு வார​மும் உலகளா​விய டாப் 10 பட்​டியலில் குறைந்​த​பட்​சம் ஓர் இந்​தி​யத் திரைப்​படம் அல்​லது தொடர் இடம்​பெற்று வரு​கிறதாகவும் கூறியுள்ளார். அதாவது, இந்​திய சினிமா தற்​போது சர்​வ​தேச பொழுது​போக்கு சந்​தை​யில் வலு​வான இடத்​தைப் பிடித்​திருப்​ப​தற்கு ‘துரந்​தர்’ வெற்றி முக்​கிய​மான உதா​ரணம்​ என்​றும்​ அவர்​ தெரி​வித்​துள்​ளார்​.