கர்​நாட​கா​ மாநிலம்  உத்​தரா கன்னட மாவட்​டத்​தில் திரு​மணம் செய்து கொள்ள மறுத்த காதலியைக் காருக்​குள் பெட்​ரோல் குண்டு வைத்து கொல்ல முயன்ற காதலன் காருக்குள் தீப்​பிடித்து எரிந்து உயி​ரிழந்​த்துள்ளார்.

உத்​தரா கன்னட மாவட்​டத்​தில் உள்ள அங்​கோலா​வைச் சேர்ந்​த 30 வயதான நாகேந்​திரா.  அதே ஊரை சேர்ந்த 26 வயதான ரம்​யாவை கடந்த 06 ஆண்​டு​களாகக் காதலித்து வந்துள்ளார். இந்​நிலை​யில், ரம்யாவுக்கு வீட்​டில் திருமண ஏற்​பாடு​கள் நடந்​த​தால் நாகேந்​தி​ராவைப் பிரிய முயன்​ற​தாகத் கூறப்படுகிறது.

இதனால் ஆத்திரமடைந்த நாகேந்​திரா பெங்​களூரு​வில் உள்ள தனி​யார் மருத்​து​வ​மனை​யில் மருந்தக ஊழிய​ராக பணி​யாற்றி வந்த ரம்​யா​வைச் சந்​திப்​ப​தற்​காக நேற்று பெங்​களூரு சென்றுள்ளார். அங்கு ரம்யாவை சந்தித்த நாகேந்திரா தன்​னுடன் சொந்த ஊருக்கு வரு​மாறு வாடகை காரில் அழைத்து சென்​றுள்ளார்.

கார் தும்​கூர் மாவட்​டத்​தில் சிரா அருகே தேசிய நெடுஞ்​சாலை​யில் சென்ற போது நாகேந்​தி​ரா​வுக்​கும் ரம்​யா​வுக்​கும் இடையே காதல் தொடர்​பாக வாக்​கு​வாதம் ஏற்​பட்ட்டுள்ளது. அப்​போது ரம்யா நாகேந்திராவை திரு​மணம் செய்து கொள்ள மறுப்பு தெரிவித்துள்ளார். இதனால் கோபத்தின் உச்சிக்கே சென்ற நாகேந்​திரா ரம்​யா​வைக் கத்​தி​யால் தாக்​கியுள்ளார். இதனால் ரம்யா ஓடும் காரில் இருந்து கீழே குதித்துள்ளார்.

அப்போது ஓட்​டுநர் பிர​வீன் காரை நிறுத்தி கீழே இறங்​கி​யுள்​ளார். ஆத்​திரமடைந்த நாகேந்​திரா தன் பையில் மறைத்து வைத்​திருந்த பெட்​ரோல் வெடிகுண்டை ரம்யா மீது வீச முயன்​றுள்ளார். ஆனால் எதிர்​பா​ராத வித​மாக குண்டு வெடித்​த​தால் கார் தீப்​பிடித்​த​தில் நாகேந்​திரா சம்பவ இடத்​திலே உயி​ரிழந்​துள்ளார்.

இதுகுறித்து தகவலறிந்த தும்​கூர் போலீ​சார் காயமடைந்த ரம்​யா​வை​யும் ஓட்​டுநர் பிர​வீனை​யும் மீட்டு மருத்​து​வ​மனை​யில் அனு​ம​தித்துள்ளனர். இந்த சம்பவம் தொடர்பில் வழக்​குப் பதிவு செய்​து, சிசிடிவி கேமரா பதிவு​களை ஆய்வு செய்துள்ளனர். தற்போது இந்த பெட்ரோல் குண்​டு​வெடிப்​புக்​கான காரணம்​ குறித்​து தீவிரமாக வி​சா​ரித்​து வருகின்​றனர்​. இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.