உஷார் கேரளா மக்களே! பொளக்கப்போகும் கனமழை! 26, 27ஆம் தேதி மோசமான வானிலை...!

குறைந்த காற்றழுத்த தாழ்வு நிலை வடமேற்கு வங்கக்கடலில் உருவாகி இருக்கிறது. இதன் காரணமாக கேரள மாநிலத்தில் வருகிற 26 மற்றும் 27-ந் தேதிகளில் கனமழை பெய்ய வாய்ப்பு இருப்பதாக வானிலை ஆய்வு மையம் தெரிவித்துள்ளது.

இதில் வயநாடு, கண்ணூர், திருச்சூர், மலப்புரம், கோழிக்கோடு மற்றும் காசர்கோடு மாவட்டங்களுக்கு 26-ந் தேதி மஞ்சள் எச்சரிக்கை விடுக்கப்பட்டுள்ளது.

அதுமட்டுமின்றி,கர்நாடகா, கேரளா மற்றும் லட்சத்தீவு கடற்கரைகளில் 26, 27-ந் தேதிகளில் வானிலை மிகவும் மோசமாக இருக்கும் என்பதால், காற்றின் வேகம் மணிக்கு 40 முதல் 60 கி.மீ வேகத்தில் இருக்கும் என்று கணிக்கப்பட்டுள்ளது.

ஆகையால்,மீனவர்கள் கடலுக்குள் செல்ல வேண்டாம் என்றும்வருகிற 26-ந் தேதி முதல் 28-ந் தேதி வரை கேரளாவில் ஒன்று அல்லது 2 இடங்களில் 7 முதல் 11 செ.மீ வரை மழை பெய்ய வாய்ப்புள்ளதாகவும் வானிலை மையம் தெரிவித்துள்ளது.

ஆகையால் மக்கள் பாதுக்காப்பாக இருக்க கேரள அரசு அனைத்து பணிகளையும் செய்து வருகிறது.