டெல்லியில் பாகிஸ்தான் ஐ எஸ் ஐ- உடன் சதிவலையில் தொடர்புடைய பயங்கரவாதிகள் 03 பேர் கைது..!

இந்தியாவில் முக்கியமான தலைநகரில் பயங்கரவாத தாக்குதல்களை நடத்துவதற்கு பயங்கரவாதிகளுக்கு உதவி செய்து பாகிஸ்தான் நாட்டின் உளவு அமைப்பான ஐஎஸ்ஐ சதி செய்து வருகிறது. அதன்படி, இந்தியாவின் வட மாநிலங்களில் அமைதியை சீர்குலைப்பதற்காக, கிரிமினல் குழுக்களுக்கு நவீன ஆயுதங்களையும் ஐஎஸ்ஐ சப்ளை செய்து வருகின்றது.

உளவுத்துறை தகவளின் அடிப்படையில், டில்லியில் இன்று (நவம்பர்,30) போலீசார் நடத்திய சோதனையில் ஐஎஸ்ஐ அமைப்புடன் தொடர்புடைய பயங்கரவாதிகள் 03 பேர் கைது செய்யப்பட்டுள்ளனர். இவர்கள் பஞ்சாபை சேர்ந்த ஹர்குன்பிரீத் சிங், மத்திய பிரதேசத்தை சேர்ந்த விகாஸ் பிரஜாபதி மற்றும் உத்தரப் பிரதேசத்தின் பிஜ்னோரைச் சேர்ந்த ஆரிப் என அடையாளம் காணப்பட்டுள்ளனர்.

கடந்த நவம்பர் - 23ஆம் தேதி ஐஎஸ்ஐ அமைப்புடன் தொடர்புடைய ஆயுதக் கடத்தல் கும்பலை சேர்ந்த 04 பேர் கைது செய்யப்பட்டனர். அவர்களிடம் நடத்திய விசாரணையை தொடர்ந்து குறித்த 03 பயங்கரவாதிகளும் இன்று கைதுசெய்யப்பட்டுள்ளதாக டில்லி தகவல் தெரிவிக்கின்றன. தற்போது இவர்களிடம் போலீசார் தீவிர விசாரணை நடத்திவருவதோடு, இந்த கைது நடவடிக்கையின் காரணமாக, தாக்குதலுக்கான சதித்திட்டம் முறியடிக்கப்பட்டுள்ளதாக கூறப்படுகிறது.