இளைஞர்களே மிஸ் பண்ணிடாதீங்க.. வரும் 16ம் தேதி சிவகங்கையில் மாபெரும் வேலைவாய்ப்பு முகாம்.!
Tomorrow mega employment camp in Theni
தமிழகத்தில் கொரோனா நோய்த்தொற்று பரவல் காரணமாக கடந்த 2 ஆண்டுகளாக வேலைவாய்ப்பு முகாம்கள் நடத்தபடாமல் இருந்தது. அதன் காரணமாக, ஆயிரக்கணக்கான இளைஞர்கள் வேலைவாய்ப்பு இன்றி தவித்து வந்தனர்.
இதனையடுத்து தமிழகத்தில் வேலைவாய்ப்பற்ற இளைஞர்களுக்கு வேலைவாய்ப்பை உருவாக்கும் வகையில் ஒவ்வொரு மாதமும் 2 முறை வேலைவாய்ப்பு முகாம்கள் நடத்தப்பட்டு வருகின்றன. அதில், பல்வேறு முன்னணி நிறுவனங்கள் பங்கேற்று தங்கள் நிறுவனங்களுக்கு தேவையான ஊழியர்களை தேர்வு செய்கின்றனர்.
அந்த வகையில் நாளை காலை 10 மணி அளவில் தேனி மாவட்ட வேலைவாய்ப்பு மற்றும் தொழில்நெறி வழிகாட்டும் மைய அலுவலக வளாகத்தில் தனியார் துறை வேலைவாய்ப்பு முகாம் நடத்தப்பட உள்ளது.
இவ்வேலைவாய்ப்பு முகாமில் தேனி மாவட்டத்தில் உள்ள பல்வேறு தனியார் துறை நிறுவனங்கள் கலந்து கொள்கின்றன. இந்நிறுவனங்களில் காலியாக உள்ள பல்வேறு காலிப்பணியிடங்களுக்கு 10ஆம் வகுப்பு முதல் டிப்ளோமா, பட்டப்படிப்பு படித்தவர்களும் கலந்துகொள்ளலாம்.
எனவே வேலை தேடுபவர்கள் தங்களது சுயவிவரம் நகல் மற்றும் கல்விச்சான்றிதழ்களின் நகல்களுடன் தேனி மாவட்ட வேலைவாய்ப்பு மற்றும் தொழில்நெறி வழிகாட்டும் மைய அலுவலக வளாகத்தில் நாளை நடைபெறும் வேலைவாய்ப்பு முகாமில் கலந்து கொள்ளலாம்.
மேலும் விவரங்களுக்கு தேனி மாவட்ட வேலைவாய்ப்பு அலுவலக தொலைபேசி எண் 04546 - 254510 என்ற எண்ணில் தொடர்பு கொண்டு, இவ்வாய்ப்பினை தேனி மாவட்ட வேலை தேடுபவர்கள் பயன்படுத்திக்கொள்ளுமாறு ஆட்சியர் முரளிதரன் தெரிவித்துள்ளார்.
English Summary
Tomorrow mega employment camp in Theni