ஸ்டேட் பேங்க் ஆஃப் இந்தியா (SBI) வட்டார அலுவலர் (CBO) பணியிடங்களுக்கான புதிய வேலைவாய்ப்பு அறிவிப்பை வெளியிட்டுள்ளது. மொத்தம் 2,964 பணியிடங்கள் அறிவிக்கப்படுகின்றன. இதில் தமிழ்நாடு மற்றும் புதுச்சேரிக்கு மட்டும் 120 இடங்கள் ஒதுக்கப்பட்டுள்ளன.

விண்ணப்பிக்க கடைசி நாள்: மே 29, 2025
விண்ணப்ப முறை: ஆன்லைன் (https://sbi.co.in)

பணி: வட்டார அலுவலர் (Circle Based Officers)
சம்பளம்: மாதம் ரூ.48,480

தகுதி:
அங்கீகாரம் பெற்ற கல்வி நிறுவனத்தில் இருந்து ஏதாவது ஒரு துறையில் இளங்கலை அல்லது இணைந்த இரட்டைப் பட்டம் பெற்றிருக்க வேண்டும். பொறியியல், மருத்துவம், கணக்கியல், பட்டயக் கணக்கியல் உள்ளிட்ட துறைகளும் உட்படுகிறது.

பணி அனுபவம்:
வணிக வங்கிகள் அல்லது பிராந்திய கிராமப்புற வங்கிகளில் குறைந்தது 2 ஆண்டுகள் அனுபவம் தேவை. மேலும், விண்ணப்பிக்க விரும்பும் மாநிலத்தின் உள்ளூர் மொழியில் எழுதவும் பேசவும் தெரிந்திருக்க வேண்டும்.

வயதுவரம்பு:
30 வயதுக்குள் இருக்க வேண்டும். அரசு விதிகளின்படி சலுகை வழங்கப்படும்.

தேர்வு முறை:
ஆன்லைன் எழுத்துத் தேர்வு மற்றும் நேர்முகத் தேர்வு.

தேர்வு மையங்கள் (தமிழ்நாடு): சென்னை, கோவை, மதுரை, திருச்சி, சேலம், நாகர்கோவில் உள்ளிட்ட நகரங்கள்.

விண்ணப்பக் கட்டணம்:
எஸ்சி, எஸ்டி, மாற்றுத்திறனாளிகள் – கட்டணம் இல்லை
மற்றோர் – ரூ.750 (ஆன்லைனில் செலுத்த வேண்டும்)