சூர்யா 'கங்குவா' படத்தின் இறுதி கட்ட படப்பிடிப்பு இன்று தொடக்கம்.. எப்போது ரிலீஸ்.?
Surya in Kanguva movie final shooting starts from today
தமிழ் சினிமாவில் முன்னணி நடிகராக இருப்பவர் நடிகர் சூர்யா. இவர் நடிப்பில் கடைசியாக வெளியான படம் எதற்கும் துணிந்தவன். இந்த படத்தை தொடர்ந்து கமலின் விக்ரம் படத்தில் அவர் ரோலக்ஸ் கேரக்டரில் நடித்திருந்தார்.
இப்படம் மிகப்பெரிய வெற்றியைப் பெற்றதுடன் வசூலில் சாதனை படைத்தது. விக்ரம் படத்தின் அடுத்த பாகத்தில் சூர்யா நடிக்கவுள்ளது குறிப்பிடத்தக்கது. சமீபத்தில் இயக்குனர் பாலா இயக்கத்தில் நடித்து வந்த ''வணங்கான்'' படத்தில் இருந்து விலகினார்.
இதனிடையே இயக்குனர் சிறுத்தை சிவா இயக்கத்தில் 'கங்குவா' என்ற திரைப்படத்தில் நடித்து வருகிறார். மேலும் இந்த திரைப்படத்தில் நடிகர் சூர்யா 13 கதாபாத்திரங்களில் நடிப்பதாக கூறப்படுகிறது. இதனிடையே சூர்யா 42 படத்தின் படப்பிடிப்பு விறு விறுப்பாக நடைபெற்று வருகிறது.
சமீபத்தில் இந்த படத்தின் டைட்டில் டீஸர் வீடியோ டீஸர் வெளியாகி ரசிகர்களிடையே நல்ல வரவேற்பை பெற்றது.
இந்த நிலையில் தற்போது கங்குவா படத்தின் இறுதி கட்ட படப்பிடிப்பு இன்று கொடைக்கானலில் தொடங்கியுள்ளது. இதனையடுத்து இந்த திரைப்படம் அடுத்த ஆண்டு பொங்கலுக்கு வெளியாகும் என கூறப்படுகிறது.
English Summary
Surya in Kanguva movie final shooting starts from today