சவால்களைத் துரத்தும் கிளாடியேட்டர்...! அஜித் குமாரின் கார் பந்தய ஆவணப் படம்...! - நாளை டிரெய்லர் ரிலீஸ்...!
gladiator who chases challenges Ajith Kumarcar racing documentary Trailer release tomorrow
தமிழ் திரையுலகில் தனக்கென தனி ரசிகர் உலகத்தை உருவாக்கியுள்ள நடிகர் அஜித்குமார், 1993-ஆம் ஆண்டு வெளியான ‘அமராவதி’ திரைப்படத்தின் மூலம் கதாநாயகனாக அறிமுகமானார். அதன்பிறகு 60-க்கும் மேற்பட்ட திரைப்படங்களில் நடித்து, முன்னணி நடிகர்களில் ஒருவராக உயர்ந்துள்ளார்.திரையுலகப் பயணத்துக்கு இணையாக கார் பந்தயத்திலும் அஜித்குமார் தொடர்ந்து ஆர்வம் காட்டி வருகிறார். ‘குட் பேட் அக்லி’ திரைப்படத்தைத் தொடர்ந்து, சர்வதேச அளவிலான கார் பந்தயங்களில் மீண்டும் தீவிர கவனம் செலுத்தி வரும் அவர், தனது சொந்த பந்தய அணியின் மூலம் பல்வேறு சர்வதேச போட்டிகளில் பங்கேற்று வருகிறார்.
அவரது வேகம் நிறைந்த பந்தயப் பயணம் தற்போது ஆவணப்படமாக உருவாகியுள்ளது.அஜித்குமாரின் சர்வதேச மோட்டார் பந்தயப் பயணத்தை மையமாகக் கொண்டு ‘கிளாடியேட்டர்ஸ் – சவால்களைத் துரத்தும் பயணம்’ என்ற ஆவணப்படம் உருவாக்கப்பட்டுள்ளது. இந்தப் படத்தை இயக்குநர் ஏ.எல். விஜய் இயக்கியுள்ளார்.
படத்திற்கு இசையமைப்பாளர் ஜி.வி. பிரகாஷ் இசையமைத்துள்ளார்.துபாய், அபுதாபி உள்ளிட்ட இடங்களில் நடைபெற்ற சர்வதேச மோட்டார் பந்தயத் தொடர்களிலும், ஐரோப்பாவில் நடைபெற்ற பல்வேறு முக்கிய போட்டிகளிலும் அஜித்குமார் பங்கேற்ற காட்சிகள் இந்த ஆவணப்படத்தில் இடம்பெற்றுள்ளன.
குறிப்பாக, ஆசிய லீ மான்ஸ் மற்றும் இருபத்து நான்கு மணி நேர பந்தயத் தொடர்களில் அஜித்குமார் களமிறங்கிய பரபரப்பான தருணங்கள் நேரடியாகப் பதிவு செய்யப்பட்டுள்ளன.மேலும், இத்தாலியின் வெனிஸ் நகரில் நடைபெற்ற நிகழ்வில் அஜித்குமாருக்கு வழங்கப்பட்ட சிறந்த கௌரவ ஓட்டுநர் விருதும் அவரது பந்தயப் பயணத்தின் முக்கியமான அங்கமாக இடம்பெற்றுள்ளது.
அஜித்குமாரின் பந்தய உலகத்தை ரசிகர்களுக்கு நெருக்கமாகக் கொண்டு செல்லும் வகையில் உருவாக்கப்பட்டுள்ள இந்த ஆவணப்படத்தின் சிறப்பு முன்னோட்டம் நாளை மாலை 6.40 மணிக்கு வெளியாகிறது.தமிழ்நாடு மற்றும் புதுச்சேரியில் தேர்வு செய்யப்பட்ட முக்கிய திரையரங்குகளில் ரசிகர்களுக்காக இந்த முன்னோட்டம் திரையிடப்பட உள்ளது.
மூன்று நிமிடங்களுக்கு மேல் நீளமுள்ள இந்த முன்னோட்டத்திற்கு மத்திய திரைப்படத் தணிக்கை வாரியம் பதின்மூன்று வயதுக்கு மேற்பட்டவர்கள் பார்வையிடும் வகையிலான தணிக்கைச் சான்றிதழை வழங்கியுள்ளது.இதனால், திரையரங்குகளில் முன்னோட்டத்தை காண அஜித்குமார் ரசிகர்கள் மத்தியில் எதிர்பார்ப்பு அதிகரித்துள்ளது.
இதற்கிடையே, ‘குட் பேட் அக்லி’ திரைப்படத்துக்குப் பிறகு இயக்குநர் ஆதிக் ரவிச்சந்திரனுடன் அஜித்குமார் மீண்டும் கைகோர்த்துள்ளார்.அஜித்குமாரின் 64-வது திரைப்படமாக உருவாகி வரும் இந்தப் படத்திற்கு ‘டேர்டெவில்’ என பெயரிடப்பட்டுள்ளது. அதிரடி அம்சங்களுடன் உருவாகி வரும் இப்படத்தின் பணிகள் விறுவிறுப்பாக நடைபெற்று வருகின்றன.
இந்தப் படத்தை அஜித்குமாரின் மனைவி ஷாலினி அஜித்குமார் தயாரித்து வருகிறார். ஒருபுறம் திரையுலகப் படப்பிடிப்பு, மறுபுறம் சர்வதேச கார் பந்தயம் என ஒரே நேரத்தில் இரு தளங்களிலும் அஜித்குமார் கவனம் செலுத்தி வருவது அவரது ரசிகர்களிடையே கூடுதல் எதிர்பார்ப்பை ஏற்படுத்தியுள்ளது.
English Summary
gladiator who chases challenges Ajith Kumarcar racing documentary Trailer release tomorrow