இந்திய திரையுலகின் அழகி ராணி ஐஸ்வர்யா ராய் பச்சன், நவம்பர் 1 ஆம் தேதி தனது 52வது பிறந்தநாளைக் கொண்டாட உள்ளார். உலக அழகி பட்டம் பெற்றது முதல் பாலிவுட் நட்சத்திரம், சர்வதேச பிரபலமாக மாறியுள்ளார். இவரது வாழ்க்கை வெற்றி, புகழ், மற்றும் திரைபட சாதனைகளுடன் சேர்ந்து, காதல் கதைகளாலும் பலமுறை செய்திகளில் இடம் பெற்றுள்ளது.

ஐஸ்வர்யா ராய், 1994ஆம் ஆண்டு மிஸ் வேர்ல்ட் பட்டத்தை வென்று, உலகம் முழுவதும் ரசிகர்களை ஈர்த்தார். அதன்பின் அவரது பெயர் பல பிரபலங்களுடன் இணைக்கப்பட்டது.

முதலில், பிரபல ஆடை வடிவமைப்பாளர் ஹேமந்த் திரிவேதியுடன் நெருக்கமான உறவில் இருந்ததாகக் கூறப்படுகிறது. ஐஸ்வர்யா உலக அழகி போட்டியில் கலந்துகொள்ளும் போது அவருக்கான ஆடைகளை ஹேமந்த் வடிவமைத்தார். அதிலிருந்தே இருவரும் நெருக்கமான நட்பை வளர்த்தனர் என தகவல்கள் கூறுகின்றன.

அதன்பின், ஐஸ்வர்யாவின் பெயர் ஹாலிவுட் நடிகர் மார்ட்டின் ஹெண்டர்சனுடன் இணைக்கப்பட்டது. “Bride and Prejudice” படத்தின் படப்பிடிப்பின்போது இருவரும் நெருக்கமானதாக வதந்திகள் பரவின. ஆனால், இருவரும் இதை ஒருபோதும் உறுதிப்படுத்தவில்லை.

பின்னர் பாலிவுட்டை அதிர வைத்த காதல் உறவு – சல்மான் கான் மற்றும் ஐஸ்வர்யா ராய். “ஹம் தில் தே சுக்கே சனம்” படத்தின் படப்பிடிப்பில் தொடங்கிய இந்த காதல் சில ஆண்டுகள் நீடித்தது. ஆனால், பின்னர் இருவருக்கிடையே கடுமையான பிரச்சினைகள் ஏற்பட்டன. சல்மான் மீது துன்புறுத்தல் குற்றச்சாட்டு கூறியதன் மூலம் இந்த உறவு முடிவுக்கு வந்தது.

சல்மான் கானிடமிருந்து பிரிந்தபின், ஐஸ்வர்யா ராய் விவேக் ஓபராயுடன் காதல் உறவில் இருந்தார். விவேக் ஓபராய் கூட சல்மான் கானுடன் ஏற்பட்ட பிரச்சினைகளை வெளிப்படையாக கூறியிருந்தார். ஆனால் இந்த உறவும் சில மாதங்களிலேயே முடிவடைந்தது.

அதற்கிடையில், “தூம் 2” படத்தின் படப்பிடிப்புக்குப் பிறகு ஹிருத்திக் ரோஷன் மற்றும் ஐஸ்வர்யா இடையே காதல் கிசுகிசுக்கள் பரவின. ஆனால் இருவரும் இதை வெறும் வதந்தி என மறுத்தனர்.

இதன் பின், ஒரு கட்டத்தில் ஹாட்மெயில் நிறுவனர் சபீர் பாட்டியா கூட ஐஸ்வர்யாவை திருமணம் செய்ய விருப்பம் தெரிவித்துள்ளார் என்ற செய்தி வெளிவந்தது. ஆனால், அது திருமணமாக முடிவடைந்ததில்லை.

இறுதியில், அபிஷேக் பச்சன் ஐஸ்வர்யாவிடம் காதலை வெளிப்படுத்தினார். “குரு” படத்தின் படப்பிடிப்பின் போது நெருக்கம் அதிகரித்து, இருவரும் காதலாக மாறினர். 2007 ஆம் ஆண்டு இருவரும் குடும்பத்தினரின் சம்மதத்துடன் திருமணம் செய்து கொண்டனர். இன்று அவர்கள் மகள் ஆராத்யாவுடன் சந்தோஷமாக வாழ்ந்து வருகின்றனர்.

ஐஸ்வர்யா ராய் தனது 52வது வயதிலும் இன்னும் அதே அழகிலும் கவர்ச்சியிலும் ரசிகர்களின் இதயத்தில் ஆட்சி செய்து வருகிறார். அவரது வாழ்க்கை – வெற்றி, காதல், சவால்கள் என அனைத்தும் இணைந்த ஒரு திரை உலகக் காவியமாக மாறியுள்ளது.