தமிழ் சினிமாவின் வளர்ந்து வரும் இளம் நடிகைகளில் ஒருவர் அனிகா சுரேந்திரன். குழந்தை நட்சத்திரமாக துவங்கி, தற்போது ஹீரோயினாக முன்னேறிக் கொண்டு வரும் அவர், தனது 21வது பிறந்தநாளை நண்பர்களுடன் பிரைவேட் பார்ட்டி ஸ்டைலில் கொண்டாடியுள்ளார். அந்த விழாவின் புகைப்படங்கள் மற்றும் வீடியோக்கள் சமூக வலைதளங்களில் வைரலாகி ரசிகர்களின் கவனத்தை ஈர்த்துள்ளன.

அஜித் நடித்த என்னை அறிந்தால், விஸ்வாசம் படங்களில் அவரது மகளாக நடித்த அனிகா, பின்னர் நானும் ரௌடி தான், மிருதன், மாமனிதன் உள்ளிட்ட பல படங்களில் குழந்தை நட்சத்திரமாக பிரபலமானார். தற்போது வளர்ந்து, ஹீரோயினாக தமிழிலும் மலையாளத்திலும் பிசியாக நடித்து வருகிறார். சமீபத்தில் தனுஷ் இயக்கிய நிலவுக்கு என் மேல் என்னடி கோபம் படத்தில் நடித்திருந்தார். அதேபோன்று PT Sir, இந்திரா உள்ளிட்ட படங்களிலும் அவர் தோன்றினார். தற்போது வாசுவின் கர்ப்பிணிகள் உள்ளிட்ட படங்களில் நடித்து வருகிறார்.

அவரின் 21வது பிறந்தநாள் கொண்டாட்டம் நெருங்கிய நண்பர்கள் மற்றும் சினிமா உலகத்தைச் சேர்ந்த சிலர் கலந்துகொண்ட ஒரு தனியார் பார்ட்டியாக நடைபெற்றது. அனிகா கேக் வெட்டி மகிழ்ச்சியாக கொண்டாடிய புகைப்படங்களை தனது இன்ஸ்டாகிராம் பக்கத்தில் பகிர்ந்தார். பார்ட்டி உடை, மேக்கோவர் உள்ளிட்டவை சமூக வலைதளங்களில் ரசிகர்களிடையே பெரும் பேச்சாக மாறியுள்ளன.

"Happy Birthday Princess", "You are glowing", "Future Superstar" போன்ற ஆயிரக்கணக்கான கருத்துகள் ரசிகர்களிடையே குவிந்து வருகின்றன. ரசிகர்களின் அன்புக்கு நன்றி தெரிவிக்கும் வகையில் அனிகா, “என்னை நேசிக்கும் அனைவருக்கும் நன்றி. உங்கள் ஆதரவு தான் எனக்கு வலிமை. புதிய வயதையும் புதிய அனுபவங்களையும் வரவேற்கிறேன்” என்று பதிவிட்டுள்ளார்.

அனிகாவின் பிறந்தநாள் கொண்டாட்டம் தற்போது இணையம் முழுவதும் வைரலாக ரசிகர்களின் வாழ்த்துகளைப் பெற்று வருகிறது.