நாளை முதல்.. வருவாய்த்துறை முடங்கும் அபாயம்.. அலுவலர்களின் விபரீதம் முடிவு.!!

நாளை முதல் தமிழ்நாடு அரசு வருவாய்த்துறை அலுவலர்கள், ஊழியர்கள் காலவரையற்ற வேலைநிறுத்த போராட்டத்தில் ஈடுபட உள்ளனர்.

தமிழ்நாடு வருவாய்த்துறை அலுவலர் சங்கத்தின் மாநில தலைவர் முருகையன் வெளியிட்டுள்ள அறிவிப்பில் பழைய ஓய்வூதிய திட்டம், காலி பணியிடங்களை நிரப்ப வேண்டும் உள்ளிட்ட கோரிக்கைகளை வலியுறுத்தி வேலைநிறுத்தப் போராட்டம் நடைபெறும்.

தமிழகம் முழுவதும் 315 தாலுகா அலுவலகங்களில் பணியாற்றக்கூடிய தாசில்தார்கள், துணை தாசில்தார்கள், வருவாய் அலுவலர்கள் என 14,000 பேர் வேலைநிறுத்தம் போராட்டத்தில் ஈடுபடவுள்ளனர் என அறிவித்துள்ளார்.

வருவாய்த்துறை அலுவலர்கள் வேலைநிறுத்தப் போராட்டத்தால், பல்வேறு சான்றிதழ்கள் வழங்கும் பணிகள் பாதிக்கப்படும் அபாயம் ஏற்பட்டுள்ளது.