தமிழகத்தில் இரு தினங்களாக மக்களவைத் தேர்தலுக்கான கூட்டணி குறித்த பேச்சுவார்த்தை சூடு பிடிக்கத் தொடங்கியுள்ளதை அடுத்து தமிழக அரசியல் களம் பரபரப்பாக செயல்படத் தொடங்கியுள்ளது. 

மக்களவைத் தேர்தலுக்கான அதிமுக கூட்டணி உறுதியாகி உள்ளது. அதிமுக - பாமக - பாஜக இணைந்து இந்த தேர்தலை சந்திக்க உள்ளது. இதில் அதிமுக - பாமக - பாஜக கூட்டணி இறுதியாகி உள்ளது.

பாமக - அதிமுக ஒப்பந்தம் கையெழுத்தானது. அதன்படி 7 பாராளுமன்ற தொகுதிகளில் அதிமுக கூட்டணியில் பாமக போட்டியிட இருக்கிறது. அதேபோல் ராஜ்ய சபா சீட் ஒன்றும் பாமகவிற்கு அளிக்கப்படும் என்று அதிமுக தெரிவித்துள்ளது.

பாஜகவிற்கு மொத்தம் 8 தொகுதிகள் அதிமுக அணியில் ஒதுக்கப்பட்டுள்ளது. பாஜக கூட்டணி கட்சிகளான புதிய தமிழகம், புதிய நீதிக்கட்சி மற்றும் இந்திய ஜனநாயகக் கட்சி ஆகிய கட்சிக்கு ஒரு தொகுதி விதம் 3 தொகுதிகள் ஒதுக்கியுள்ளது. தேமுதிகவுடன் கூட்டணி பேச்சுவார்த்தை நடந்து வருகிறது.

இந்நிலையில், பாஜக, தங்களுக்கான  5 தொகுதிகள் எவை?, அதற்கான வேட்பாளர்கள் யார்? என்பதை தேர்வும் செய்யும் பணியை துவக்கி நடத்தி வருகின்றனர். முதல் கட்டமாக ஒரு தகவல் கசிந்துள்ளது. அதில் 5 தொகுதிகள் எவை? வேட்பாளர்கள் யார் என்பது குறித்து.

1. திருச்சி:  தமிழிசை செளந்தரராஜன்
2. கன்னியாகுமாரி: பொன்.ராதாகிருஷ்ணன்
3. திருநெல்வேலி: நைனார் நாகேந்திரன்
4. கோவை:  சி.பி ராதாகிருஷ்ணன்
5. திருப்பூர்: வானதி சீனிவாசன்

இதில், கன்னியாகுமரி, கோவை, திருநெல்வேலி தொகுதி வேட்பாளர்களில் மாற்றம் இருப்பதற்கான வாய்ப்பு குறைவு. திருச்சி தொகுதியை கைப்பற்ற கருப்பு முருகானந்தமும், திருப்பூர் தொகுதியை கைப்பற்ற ஹெச்.ராஜாவும் முயற்சி செய்வதாக கூறப்படுகிறது.