நம்மில் பெரும்பாலோர் நமது நாளின் பாதிக்கு மேல் மடிக்கணினி அல்லது மொபைல் போன்களில் செலவிடுகிறோம். இது இயற்கையாகவே நம் கண்களுக்கு அதிக அழுத்தத்தை ஏற்படுத்துகிறது. லேப்டாப் திரையின் முன் நீண்ட நேரம் செலவிடுவது கண் எரிச்சல், கண் சோர்வு மற்றும் கண் தொடர்பான பிற பிரச்சனைகளுக்கு வழிவகுக்கும். 

திரைகளில் இருந்து வெளிப்படும் நீல ஒளி உங்கள் கண்களுக்கு தீங்கு விளைவிக்கும் என்று ஆராய்ச்சி கூறுகிறது. உலகளவில் இரண்டு பில்லியனுக்கும் அதிகமான மக்கள் கண் நோய்களால் பாதிக்கப்பட்டுள்ளனர். மேலும் இந்தியாவில் மட்டும் மில்லியன் கணக்கானவர்கள் கண் நோய்களைக் கொண்டுள்ளனர் என்று இந்தியாவின் Vitreo-Retinal சொசைட்டியின் தலைவர் டாக்டர் NS முரளிதர் கூறினார்.

மடிக்கணினியைப் பயன்படுத்தும்போது அல்லது புத்தகம் படிக்கும்போது படுத்துக் கொள்ளாதீர்கள். இது கண் அழுத்தத்தை அதிகரிக்கலாம்.
குருகிராமில் உள்ள பாராஸ் மருத்துவமனையின் ஆலோசகர் கண் மருத்துவரான ரிஷி பரத்வாஜ், டிஜிட்டல் சாதனங்களைப் பார்ப்பது உங்கள் பார்வைக்கு பாதிப்பை ஏற்படுத்தாது என்று கூறினார்.

ஆனால், அது அசௌகரியத்தையும் சிரமத்தையும் ஏற்படுத்தும். சராசரியாக ஒரு நபர் நிமிடத்திற்கு 15 முறை கண் சிமிட்டுகிறார். திரைகளைப் பார்க்கும்போது இந்த சதவீதம் பாதி அல்லது மூன்றில் ஒரு பங்காகக் குறைகிறது. இது உலர்ந்த, அரிப்பு கண்களை ஏற்படுத்தும். இது கணினி பார்வை நோய்க்குறி (CVS) என்று அழைக்கப்படுகிறது, அவர் மேலும் கூறினார்.

டிஜிட்டல் திரையின் முன் நீங்கள் செலவழிக்கும் ஒவ்வொரு 20 நிமிடங்களுக்கும் 20 வினாடி இடைவெளி எடுத்து 20 அடி தூரத்தில் பாருங்கள். அடிக்கடி இடைவெளி எடுப்பதன் மூலம் டிஜிட்டல் திரையை நீண்ட நேரம் பார்ப்பதால் ஏற்படும் கண் அழுத்தத்தை குறைக்கலாம்.