கனடாவில் கைத்துப்பாக்கிகள் விற்பதற்கும், வாங்குவதற்கும் தடை.!

அமெரிக்காவை தொடர்ந்து கனடாவிலும் துப்பாக்கி சூடு சம்பவங்கள் சமீபத்தில் அதிகரித்த நிலையில் முன்னெச்சரிக்கை நடவடிக்கையாக கனடாவில் கைத்துப்பாக்கி விற்பனையை உடனடியாக நிறுத்துவதற்கு பிரதமர் ஜஸ்டின் ட்ரூடோ உத்தரவிட்டுள்ளார்.

கைத்துப்பாக்கிகள் விற்பனை, வாங்குதல் மற்றும் பரிமாற்றம் செய்வதற்கு நாடுமுழுவதும் தடைவிதிக்கப்படுவது உடனடியாக அமல்படுத்தப்படுவதாக பிரதமர் தெரிவித்துள்ளார்.

இதையடுத்து பிரதமர் வெளியிட்ட அறிவிப்பில், மக்கள் பாதிக்கப்படும்போதும், கொல்லப்படும் போதும் ஒரு பொறுப்பான தலைமையாக நாம் செயல்பட வேண்டும் என்றும், கைத்துப்பாக்கிகளை கனடாவிற்குள் வாங்கவோ, விற்கவோ அல்லது மாற்றவோ முடியாது என்று தெரிவித்துள்ளார்.

மேலும் புதிதாக வாங்கிய கைத்துப்பாக்கிகளை நாட்டுக்குள் கொண்டு வர முடியாது என்றும் குறிப்பிட்டுள்ளார்.