தாக்குதல் தொடருமானால் ஈரான் பேரழிவு தரும் பதிலடி அளிக்கும் எனவும், ஈரான் ஜனாதிபதி மசூத் பெஷேஷ்கியன் எச்சரிக்கை விடுத்துள்ளார்.

மத்திய கிழக்கில் பல நாடுகளைச் சிக்கடிக்கும் வகையில் தீவிரமடைந்துள்ள இஸ்ரேல்–ஈரான் மோதல், இன்று 10-வது நாளாக நீடிக்கிறது. தொடர் தாக்குதல்களில் ஈரான் தலைநகர் டெஹ்ரானில் பாரிய அழிவுகள் ஏற்பட்டு வருகின்றன. ஏராளமான மக்கள் உயிரிழந்துள்ளனர், நிர்வாக கட்டமைப்புகள் பல இடங்களில் பாதிக்கப்பட்டுள்ளன.

பர்தவ், நடான்ஸ் மற்றும் எஸ்பஹான் ஆகிய அணு உலைகள் மீது அமெரிக்கா மேற்கொண்ட தாக்குதலுக்கு பதிலளிக்கத் தயாராக இருப்பதாகவும், தாக்குதல் தொடருமானால் ஈரான் பேரழிவு தரும் பதிலடி அளிக்கும் எனவும், ஈரான் ஜனாதிபதி மசூத் பெஷேஷ்கியன் எச்சரிக்கை விடுத்துள்ளார்.

"எங்கள் அமைதியான அணுசக்தி திட்டம் குறித்து நம்பிக்கையை வளர்க்க உலக நாடுகளுடன் பேசவும், புரிந்துகொள்ளவும் நாம் தயாராக இருக்கிறோம். ஆனால் எங்கள் தேசிய உரிமையை கைவிட மாட்டோம். எங்கள் அணுசக்தி நடவடிக்கைகளை முற்றிலும் நிறுத்த வேண்டும் என்ற கோரிக்கையை எங்கள் நாடு ஒருபோதும் ஏற்காது."

"இஸ்ரேல் தொடர்ந்து தாக்குதல் நடத்தினால், எங்கள் பதிலடி முன்னெப்போதும் இல்லாத அளவுக்கு அழிவும் தாக்கத்தும் கொண்டதாக இருக்கும். இது ஒரு எச்சரிக்கையே, ஆனால் அதனை உணர்வது அவர்களின் தேர்வாகும்."

இஸ்ரேல் நடத்திய ஏவுகணை தாக்குதலால் டெஹ்ரானில் புகைமண்டலம் காணப்படுகிறது. மேற்கு ஈரானிலிருந்து டெஹ்ரான் வரை வான்வெளி இஸ்ரேல் விமானங்களால் கட்டுப்படுத்தப்பட்டுள்ளதாக இஸ்ரேல் தரப்பில் தகவல் வெளியிடப்பட்டுள்ளது.

அமெரிக்கா மற்றும் பிற நாடுகள் தங்கள் குடிமக்கள் டெஹ்ரானை உடனடியாக விட்டு வெளியேற அறிவுறுத்திய நிலையில், உலக நாடுகள் அனைவரும் இந்த மோதலை கவனத்துடன் தொடர்ந்து கண்காணித்து வருகின்றன.

மத்திய கிழக்கில் உருவாகும் இந்த ஆழமான குழப்பம், ஒவ்வொரு நாளும் புதிய பரிமாணங்களை எட்டிக்கொண்டிருக்கிறது. ஈரான் தெரிவித்துள்ள கடுமையான எச்சரிக்கையை தொடர்ந்து, இன்னும் பல்வேறு நாடுகளின் தலையீடுகள் மற்றும் நடவடிக்கைகள் எதிர்பார்க்கப்படுகின்றன.
உலக அமைதிக்கு இது ஒரு கடும் சோதனையாக மாறியிருக்கிறது.